sk6

Wednesday, June 10, 2009

Chapter 15: Sugal

TWINKLE TWINKLE
BY PAULITO



Chapter 15: Sugal

Pagkatungtong ng mga mandirigma sa Mainland ay sinalubong sila ang di magandang panahon. Malakas ang hangin at ulan kaya lalong bumagal ang paglakbay nila.

“Hindi ito normal, kailangan maging alerto ang lahat” sabi ni Wookie at nag utos siya ng tatlong espiritu para mauna at pagmasdan ang paligid. Nauna si Sarryno at Bashito at may naamoy na silang di maganda kaya napatigil ang lahat. “Spread out!!!” utos ni Nella at mabilis nagkalat ang mga mandirigma.

Lahat nanahimik at pinagmasdan ang paligid nila, patak ng ulan lumalakas at napasigaw ang isang diwata. Lahat napatingin sa kanya at nakitang umuusok ang mga kamay nya, dumami ang napasigaw pagkat ang bawat patak ng ulan ay mainit at kumukulo.

“Virgous at mga santelmo magpaapoy kayo!!!” sigaw ni Nella at mabilis nagpaapoy ang grupo ni Virgous at tinutok sa ere para malusaw ang ulan bago umabot sa kanila. Mga santelmo umakyat at nagmisulang mga nag aapoy na ulap para lang masilungan ang mga mandirigma.

Biglang nagbago ang anyo ni Sarryno, naging taong lobo muli siya at tinuro niya ang sa malayo at may papalipad na dalawang nilalang napaparating. “Shwet! Hunters” sabi ni Mhigito at mabilis siyang nagpaharap kasama ni Vandolphous.

Mula sa mga gilid nagsilabasan ang mga itim na tiyanak at inatake ang mga mandirigma, hinarap sila ng mga battle dwendes at diwata at si Nella tumayo sa gitna at sa balikat nya tumayo si Yui.

Nakalapit ang mga hunters na sina Jepong at Jepristo, agad nila nilabas ang mga espada nila at inatake si Mhigito at Vandolphous. Nahawakan ni Mhigito si Jepristo at mabilis na nilayo habang si Vandolphous di tumalab ang kapangyarihan niya pagkat ayaw siya titigan sa mata ni Jepong.

Mamasuhin na sana ni Ngyobert ang ulo ni Jepristo ngunit mula sa dilim may lumabas na vampira at pinatumba siya. Inagaw ni Joule ang maso na dala ng kapre at tinapon ito palayo, binuka nya ang bunganga nya at dumaloy ang kuryente sa bibig nya. Kakagatin na sana niya ang leeg ni Ngyobert ngunit mabilis siya sinipa ni Nella sa mukha. Napatapis ng malayo si Juole at gulat na gulat siya sa lakas ng dalaga.

Sumulpot sa harap ni Nella ang isa pang vampira at makakagat na sana ang leeg nito ngunit isang uppercut mula kay Chiara at napalipad ang vampira. Parehong nakahiga sa lupa sina Joule at Eric at pinagmamasdan nila ang mga dalaga, “Parang may naamoy akong kakaiba” bulong ni Eric at galit nag alit tumayo si Joule at muling sinugod si Nella pero si Ngyobert naman ang lumigtas sa kanya, nayakap ng kapre ang katawan ng vampira sabay inipit nya ito sa lupa. Nakagat ni Jouse ang braso ng kapre at dumaloy ang kuryente sa buong katawan ni Ngyobert kaya napasigaw ito ng napakalakas.

Tumayo si Joule at pinanood ang nangingisay na katawan ng kapre ngunit may biglang tumalon sa likod nya at siya naman ang kinagat sa balikat, talagang diniin ni Sarryo ang mga pangil nya sa vampira at sinaksak ang mga razor claws nya sa dibdib ni Joule. Nagawa ng vampira kagatin ang braso ng taong lobo ngunit ayaw bumitaw ni Sarryno sa pagkagat nya.

Napagitigil ang lahat nang nagpagulong gulong pabalik si Mhigito, sa ere lumilipad si Jepristo at tatagain na sana ang vampira ngunit nabitawan nito ang esada nya sabay nagtakip ng tenga, lahat ng kampo ng kadiliman tila nabingi kaya umaksyon agad ang mga mandirigma.

Bumangon si Ngyobert at sinakal sa leeg si Joule, binanatan nya ng mga suntok ang tiyan nito habang si Sarryno pinagsasaksak parin ang dibdib ng vampira. Sumama sa eksena si Bashito na nagpalit anyo sa isang malaking elepante at pinagpipisa si Eric. Si Jepristo binuhat ni Vandolphous sabay tinapon sa ere, mabilis siya tinosta ni Virgous at sunog ang mga pakpak ng hunter.

Napasigaw si Jepong sa nakita nya, pero agad siya inatake ng mga espiritu na pinakawalan ni Wookie. Bumaba si Yui sa balikat ni Nella at nagtungo kay Eric, nagulat ang vampira nang buhatin siya ng maliit na dwendeng babae at itapon papunta kay Nella na sinaksak ang vampira sa dibdib.

May dumating na mga manananggal at inagaw ang mga katawan ng dalawang hunter at dalawang vampira saka nilayo sila. “Pesteng mga disipulo yan!!!” sigaw ni Jeprisito at pagkalapad nila sa lupa at nakatayo sa likod nila ang apat na elementong nilalang. “Bakit wala kayong ginagawa?” tanong ni Eric habang iniinda nya ang saksak nya sa dibdib.

“Sabi niyo kaya niyo, kaya di kami nakikialam. Kung gusto niyo tulong namin hingiin mo” sagot ni Lucio. “Demet ka!, Kulang tayo , di ko akalain na maayos parin sila kahit wala na pinuno nila. Ipatawag ang mga tikbalang!” sigaw ni Jepong at may mga paniki na mabilis nagliparan sa ere.

“Ano pa inaantay natin?” tanong ni Vandolphous at gigil na gigil siyang sumugod. “Tumigil ka! Nakikita mo yung apat na nilalang sa likod nila…bulong sa akin ng mga espiritu di sila pangkaraniwan” sabi ni Wookie. “Oo nararamdaman ko na pareho kami nung isa pero mas malakas siya” sabi ni Virgous ang ituro nya si Lucio.

“Mga elementos, pero bakit aapat sila, dapat merong apoy, tubig, hangin, liwanag, dilim, at lupa pero aapat sila” sabi ni Mhigito nang punasan niya ang mukha niya sa mga bakas ng dugo. “Delikado tayo pag susugod tayo agad, sila pala ang may kagagawan ng kumukulong ulan at hangin kanina, kung isa sa kanila ang may kapangyarihan ng dilim patay tayo lahat” sabi ni Wookie at nangamba sila lahat.

Samantala sa mahiwagang gubat ng mainland sinusubukan parin ni Aldhabest makapasok ngunit ayaw talaga bumigay ng gubat. Napadpad ang isang paniki sa balikat nya at napatingin agad siya sa langit. “Mga katropa! Tungo tayo sa bukanan ng Mainland nandon ang hinahanap natin!” sigaw nya at bigla nyang pinisa ang paniki saka kinain. Muli niyang sinulyap ang mahiwagang gubat pero sumuko na siya pagkat mas kailangan siya ibang lugar.

Sa ilalim ng palasyo nagwawala si Monica sa trono niya, pinapaikot niya si Wawan na nakadikit parin sa dingding. “Mga inutel!!! Dapat ako nalang ang sumugod sa kanila kung kayo din lang ang mag aaway away!!!” sigaw nya. “Mahal na Reyna…nahihilo na akooooww…” sabi ng tiyanak kaya pinabilis pa niya lalo ang pag ikot sa tiyanak.

Muling sumulyap ang bruha sa mga bola nya at pinanood ang mga tikbalang na nagtutungo sa lugar ng laban. Tumayo siya at lumabas ng kwarto at nagtungo sa kulungan ng mga tao. May dalawang daan preso doon at lahat nanghihina, pinikit ni Monica ang kanyang mga mata saka nagdasal.

Napuno ng pulang usok ang kwarto at lahat ng preso nagsiubuan, tumawa bigla ang bruha at nang mawala ang usok ay iba na ang angyo ng mga preso. “Mga anak ko lumabas kayo sa mga selda at sundin niyo ang utos ng inyong ina!!!” sigaw ng bruha at biglang nasira ang mga selda at nakawala ang mga nasaniban na mga tao. Nanlilisik ang mga mata nila at parang wala sila sa kanilang sarili.

“Sige magpunta kayo sa bukanan ng kaharian at tulungan ang ating mga kasamahan. Nabibiyayaan ko kayo ng lakas kaya gamitin niyo ito sa buong makakaya niyo. Sige mga anak sugod!!! Make yo momma proud!!!” utos ni Monica at lahat ng mga nasanibang preso mabilis na lumabas ng palasyo.

Bumalik si Monica sa trono nya at pinanood ang mga imahe sa mga bola nya, huminga siya ng malalim at tumawa ng malakas. Nakita niyang nakarating na sa laban ang mga tikbalang kaya lalo siya nagsaya. “Nella, Nella, Nella, hanggang saan ang tapang mo?” sabi nya sabay muling pinaikot ng mabilis ang tiyanak sa dingding at nagpalabas siya ng napakalakas na halakhak na nadinig sa buong kaharian.

Sa bukanan ng Mainland agad sumugod ang mga tikbalang, “Aldhabest! Ano ginagawa mo?!” sigaw ni Jepristo. “Yung dapat na ginawa niyo kanina pa” sumbat ng itim na tikbalang at pati siya sumugod narin papunta sa mga mandirigma ang kabutihan. “Lucio ano pang inaantay niyo? Kung magsamsama tayo sigurado magtatagumpay tayo” sabi ni Eric pero tumalikod ang mga element at naglakad palayo. “Kung kaya niyo e di gawin niyo, kung hindi saka na kami papasok” sagot ng elemento ng apoy.

Galit na galit ang apat pero humarap sila at pinanood ang mga tikbalang na lumalaban sa mga mandirigma ng kabutihan. “Iisa lang naman ang pinunta natin dito kaya siya lang dapat ang bigyan natin ng pansin” sabi ni Jepong. “Oo hayaan mo na ang mga tikbalang at iba na harapin ang mga disipulo, focus tayong apat kay Nella” sagot ni Joule.

Nakita nilang abala ang mga disipulo kaya mabilis nilang sinugod si Nella, si Aldhabest hinarap nina Vandolphous, Mhigito at Bashito habang ang iba ay abala sa pakikipaglaban sa malalakas na tikbalang. Malakas si Aldhabest, at mabangis ang mga alagad niya. Madaming mga diwata at battle dwende ang mga nasugatan kaya abalang abala si Wookie sa pagkokontrol sa mga espiritu nya upang labanan ang mga tiyanak at manananggal.

Di nagpahuli si Nella, may napatumba siyang tikbalang at nasaksak sa puso pero nagulat siya nang sumulpot ang dalawang vampira sa tabi nya. Tig iisang wasiwas ng mga espada nila napalayo nina Paula at Chiara ang sina Eric at Joule pero patibong lang pala sila nang damputin ni Jepong si Nella at ilipad sa ere.

Binitawan ng hunter si Nella sa nagaabang na kamay ni Jepristo ngunit nagulat yung hunter nang bagsakan siya ng sipa ng dalaga. Tayo agad ang hunter at nakipag espadahan kay Nella. Gulat na gulat si Jepristo pagkat kakaibang galing ang pinapakita ng dalaga at mabilis siyang nalaslas sa tiyan sa isang paikot na laslas ni Nella.

Bumaba sa lupa si Jepong at siya naman ang humarap kay Nella ngunit pati sya nabanatan ni Nella ng mabibilis na laslas sa dibdib at pakpak. Umakyat sa isang puno si Nella at at hinabol siya nina Eric at Joule, sa isang sanga tumayo si Nella saka tumalon at sinulong ang espada nya sa ulo ni Jepong. Di nakagalaw ang hunter at nasaksak ang buong espada ni Nella sa ulo nya kaya napadapa sya agad sa lupa at agad namatay.

Nagulat ang dalawang vampira, pati si Jepristo di makapaniwala sa nakita nya. Di nila akalain na marunong lumaban si Nella kaya nagkatinginan silang magkakampi. “May naamoy akong kakaiba dito” sabi ni Eric at mabilis siyang bumaba sa puno at pinulot ang espada ng namatay nang si Jepong. Pinalibutan nila ang dalaga, napalingon si Nella at nakita niya ang mga kasama niyang abala sa biglang pagdami ng mga tikbalang.

“Wag niyo ako mamaliitin, sige haharapin ko kayong tatlo!” sigaw ni Nella at tumawa yung tatlo. Hinawakan ni Nella ng mahigpit ang espada niya, dahal dahan nagpapaikot at pinagmamasdan ang galaw ng tatlong nakapalibot sa kanya. Umatake agad si Eric pero nasangga ni Nella ang espada nya gamit ang kanya, sumipa siya patalikod at sapol sa tiyan si Jepristo at napatumba ito.

Isang malakas na wasiwas at muling naipatapon ng malayo si Eric kaya nakipag espadahan siya kay Joule. Nasaksak ni Nella ang hita ng vampira pero kinagat ni Joule ang espada at nakuryente si Nella at nanigas ang buong katawan. Sabay na sumugod si Jepristo at Eric gamit ang mga espada nila at sabay nila nasaksak si Nella mula sa harap at likod.

Napasigaw si Nella ng malakas at napatingin sa kanya ang mga disipulo. Agad sumunog ang mga disipulo papunta sa kanya at mabilis nakalayo ang tatlong may sala. Bagsak si Nella sa lupa hawak hawak niya ang dibdib nya. Nagulat ang lahat ng nakarinig sila ng napakalakas at nakakabinging halakhak. Niyakap ni Wookie si Nella at biglang tumigil ang labanan, umatras ang mga kalaban at tulala ang mga mandirigma ng kabutihan sa nakita nilang bumagsak na reyna.

Sa ilalim ng palasyo nagsasaya si Monica sa kanyang nakita, lalo pa nyang napabilis ang ikot ng tiyanak sa tuwa. “Hahahahahahaha!!! Ako na ang magiging tunay na reyna ng kahariang ito!!! May silbi din pala kayong mga mangmang!!!” sigaw nya sa tuwa at lalo siyang tumawa ng malakas na dinig na dinig sa buong kaharian.

Pumalakpak ang bruha at biglang may lumabas na corona sa harapan niya. Kinuha niya ang corona at sinuot sa ulo nya sabay tumawa ng malakas. Tumigil ang pag ikot ni Wawan at naghabol ng hininga niya, nagsayaw sayaw si Monica at nagawa pa nyang kumanta sa tuwa.

“Maaahaaal na reynaaa…bakit may blood sa head moooow?” sabi ni Wawan at nagulat si Monica kaya humarap sa salamin at nakita nya na may dumadaloy na dugo mula sa ulo niya. Agad nya inalis ang corona at tinapon palayo, “Bakit ganito?!!! Patay na si Nella kaya di dapat ganito!!!” sigaw nya at mabilis syang bumalik sa trono niya at tinignan ang mga bola.

“Ahahahahah Monica, Monica, Monica, masyado kang atat! Ayan o naghihingalo pa siya ooohhh ahhahaha! Patience patience…hmmm masarap magpunta sa beach at maglaro sa nagraragasang tubig ahahahaha…” sabi nya sa sarili nya at pinanood nya ang nangingisay na katawan ni Nella sa kamay ng mga disipulo.

Nagulat si Monica nang biglang ngumiti si Nella, napatayo siya bigla at lalo pang nagulat nang kumaway si Wookie sa kanya.