Sa Aking Mga Kamay Chapter 11: Pagtibok

Sa Aking Mga Kamay

by Paul Diaz

Chapter 11: Pagtibok

Kinabukasan maaga pumasok si Layla at nagulat siya pagkat nandon na sa classroom si Michelle at kumakanta. “Wow happy na siya, uy” tukso niya. Tumigil si Michelle at tumawa, “Sira ka talaga, ano pinagsasabi mo?” tanong niya. “Kaya naman pala di maipinta ang mood niya the past week. Uy tapos di pala pumapasok sa club niya” hirit ni Layla at sinubukan ng dalaga na magsimangot pero natatawa talaga siya.

“You really like Kiko ano? Tapos nagselos ka nung nalaman mo na may kasama siyang ibang girl” tanong ni Layla. Si Michelle nilabas ang necklace niya sabay nilalaro at kunwari hindi nakikinig. “Wag ka na magdeny sis, buking na buking ka na. Tapos kung makakapit ka pa kahapon sa kanya ang higpit” sabi ni Layla at di na natiis nung dalaga at napahalakhak siya.

“Oo aminado ako pero parang malabo kasi naman akala ko friend mo siya at mapapadali ang lahat” banat ni Michelle. “Ano gusto mo maging tulay ako?” tanong ni Layla. “Di naman, I was expecting lang na you spend more time with him” sagot ng dalaga. “I spend time with him na kasama ka?” tanong ni Layla at napangisi si Michelle at nagtawanan sila. “Baka sinasabi mo naman desperado ako, wag naman sana. Pero I really like him and how can things happen pag di ko man siya nakakasama diba?” sabi ni Michelle.

“Naiintindihan kita sis don’t worry mamayang lunch kasama natin sila” sabi ni Layla at biglang natuwa si Michelle at pinaikot ikot ang kanyang necklace. “Uy grabe ka naman baka naman may lakad sila” sabi niya. “O di wag nalang” sabi ni Layla at biglang hinawakan ni Michelle ang kamay ng kaibigan niya. “To naman nagbibiro lang e” bawi niya at lalo sila nagtawanan. “Sis di mo na masusuot necklace mo buhol buhol na” sabi ni Layla at nagulat yung dalaga. “Hala bigay sa akin ng daddy ko to” sabi ni Michelle.

“Uy wag mo pilitin! Lalo lang mabubuhol yan. Akin na yan” sabi ni Layla. Tinago ng dalaga ang necklace sa bag niya at tinignan siya ni Michelle. “Sis, akala ko aayusin mo?” tanong niya. “Oo maayos yan trust me” sagot ng kaibigan niya at saktong pumasok na ang propesor nila sa klase.

Lunch time nauna sina Ben, Jessica at Kiko sa mall. Naka order na sila ng pagkain at inaantay ang pagdating nina Layla. Magkatabi ang magbestfriend at sa tapat nila naupo si Ica. “Alam mo pare madali lang sana tong problema ko pag di mo nakilala si Jessica e” sabi ni Kiko at nagulat si Ben at Ica. “Bakit naman? Don’t tell me na…” sabi ni Ben at napalunok si Jessica pagkat nakatitig si Kiko sa kanya.

“Oo Ben, aminado ako” sabi niya sabay tingin sa bestfriend niya. “Mas madali sana lahat pag wala si Jessica para tayo na ang nagkatuluyan” drama ni Kiko at biglang sumabog sa katatawa si Jessica. Diring diri si Ben at tinutulak palayo ang kaibigan niya pagkat ang mga titig ng mata nito ay napakalagkit. “Please Ben wag mo ako idedeny. Parang wala naman tayo nakaraan e. I know pag di mo nakilala si Ica ay ako lang ang nasa puso mo” hirit ni Kiko at pinagsusuntok na siya ni Ben.

“Alam mo Kiko tama si Yna, dapat talaga sumali ka sa Theater, ang galing mo umakting” sabi ni Ica. “Oy magaling din naman ako ha” reklamo ni Ben. “Hmmm not much, mas magaling si Kiko” sabi ni Ica. “Ah ganon? Di mo ako kakampihan?” tanong ni Ben at tumawa si Ica.

Humarap si Ben kay Kiko at huminga ng malalim. “Kiko, alam mo naman na sa puso ko ikaw lang talaga e. Kahit na may kinakasama akong iba, tandaan mo sa puso ko ikaw lang ang iibigin ko” bigkas niya at halos mamatay na sa tawa si Jessica pagkat seryosong nagkakatitigan yung dalawang binata.

Dumating sina Layla, Lyne at Michelle pero agad sila sinensyasan ni Ica na tumahimik at panoorin yung dalawa. Humawak si Kiko sa kwelyo ng kaibigan niya at lalong nagkalapit ang mukha nila. “Sinungaling ka Ben, sinasabi mo lang yan. Ako ba talaga ang laman ng puso mo?” banat niya. Hinaplos ni Ben ang pisngi ni Kiko, si Michelle sasabog na sa tawa pero pinigilan siya ni Lyne. Halos lahat ng tao sa resto nakatingin na sa dalawang binata pero tuloy parin ang acting nila.

“Totoo Kiko, magtiis ka lang muna. Siguro di pa natin panahon ngayon pero ikaw lang ang laman ng puso ko. Alam mo naman na di tayo matatanggap ng lahat ngayon. Kasama ko man siya pero ikaw lang ang lagi kong iniisip” banat ni Ben. “Oh Ben, hanggang kalian tayo magtitiis?” tanong ni Kiko at lalong lumapit ang mukha nila. Napangisi si Layla at mabilis na lumapit at pinag dikit ang ulo ng dalawa. Nagdikit ang mga labi nina Kiko at Ben at biglang nagtawanan ang lahat ng tao.

“Blaaaaaa!!!” sigaw ni Kiko sabay nilawit ang dila niya at tumingin palayo. Ganon din ang ginawa ni Ben, pinagpupunas nung dalawang binata ang kanilang mga labi pero yung mga girls tawa ng tawa. Tumayo si Jessica at naupo sa gitna nung dalawa para makaupo yung tatlong bagong salta sa tapat nila. “Kayo talagang dalawa, hay naku. Eto Kiko ayusin mo pala tong necklace. Oorder lang kami” sabi ni Layla.

Agad trinabaho ni Kiko ang necklace, si Ica natatawa parin habang si Ben tuloy ang pagpunas sa labi niya. “Ayan kasi ano ngayon e di masaya na kayo?” tanong ng dalaga. “Parang tuwang tuwa ka pa sa nangyari” tampo ni Ben at sumandal sa kanya si Ica. “Ito naman nagbibiro lang e” lambing niya. “Kain na nga tayo, siguro naman sterilized na labi ko” banat ni Ben. “Kain ka na rin Kiko” sabi ni Ica pero di siya kinibo ng binata.

Nakabalik na sina Layla, pagkaupo nila nakita nila na busy si Kiko sa pag ayos sa necklace. “Mamaya mo na gawin yan, kain ka muna” sabi ni Lyne pero di rin siya pinapansin ng binata. “Ganyan talaga yan pag may ginagawa. Di niyo makakausap at di niyo magugulo” sabi ni Ben. “Tama kaya kain na tayo” sabi ni Layla pero si Michelle nakatitig lang kay Kiko at sa kanyang necklace.

Sampung minuto ang lumipas at kokonting buhol nalang ang natira, pinikit ni Kiko ang mga mata niya saglit sabay huminga ng malalim. “Kumain ka na muna pare” sabi ni Ben. “Concerned ka talaga sa akin no pare?” biglang tanong ni Kiko at medyo natawa yung iba. “Syempre naman pare” sagot ng kaibigan niya. “Ano naman masasabi mo sa first kiss natin? For me I sooooo loved it” sabi ni Kiko sabay tumingin sa malayo at nilawit ang dila niya na parang nasusuka. Tawa ng tawa ang mga girls habang si Ben muling nagpunas ng labi.

“Di mo na maalis yan sa labi mo pare. Tumatak na sa isipan mo ang unang halik natin. Our first kiss, Ben alam mo magbabago na ang lahat dahil sa halik na yon” landi ni Kiko at naghalakhakan yung mga babae. “Demet pare itigil mo na nga yan! Nangingilabot na talaga ako e. Ito kasing si Layla e, alam mo naman na acting lang e” sabi ni Ben. “Wag ka na mandamay Ben. Kahit wala yung tulong ni Layla alam ko naman at nakita ko sa mata mo na gusto mo ako talaga halikan” sabi ni Kiko sa malumanay na boses sabay nilawit ulit ang dila.

Nadabog ni Michelle ang lamesa at nagtakip ng mukha, “Pare isa! Sabi ko itigil mo na e. Kadiri na talaga. Di na maganda yang joke natin na ganon” galit ni Ben. Sumimangot si Kiko at kunwari naiiyak. “Wag ka masyado magagalit BENditaaaa…wag mo na ako isumbong kay woowaaaaa. Kakawawain niyo nanaman ako ni wowaaaa. Baka iflush niyo ulit ako sa bowl” banat ni Kiko at talagang bumigay na ang mga girls at di makayanan ang pagtawa nila.

“Ayan tapos na” sabi ni Kiko sabay tinignan si Layla. “Itaas mo na buhok mo para ako na ang magkabit” sabi niya sabay tumayo. “Kay Michelle yan” sabi ni Layla at biglang nanigas ang binata at dahan dahan napatingin sa dalaga. Nagtakip ng bibig si Ben at Ica pagkat natatawa sila sa panginginig ni Kiko. “Is this yours?” tanong niya at nginitian siya ni Michelle. “Thanks ha, ako nalang magsusuot” sagot ng dalaga sabay inabot ang kamay niya para makuha ang necklace.

Napatitig si Kiko sa kamay ng dalaga at biglang napangisi. “Ang pangit ng nails mo” sabi niya at nagulat yung iba. Parang nahiya si Michelle at napasimangot, “Mas maganda kasi pag walang kulay ang nails” pahabol ni Kiko at napangiti yung dalaga. “Ah first time ko magkulay, I just tried” sabi niya pero di siya pinansin ni Kiko at dumiretso ang binata sa likod niya. Si Michelle naman ang nanigas pero pasimple siyang siniko ni Layla. “Gaga itaas mo buhok mo” bulong niya. “Ah oo” sagot niya at tinaas naman niya buhok niya para maisuot ng binata ang kwintas.

Napatingin si Ben at Ica kay Kiko, may malaking ngisi sa mukha niya at hawak hawak niya yung kwintas na parang pansakal. Di nakayanan ni Ica, humarap siya kay Ben at binaon ang mukha niya sa dibdib ng binata. Nagtaka sina Lyne at Layla kaya agad nila tinignan si Kiko. Mabilis naman nagpasimple yung binata at hinaplos pa konti ang buhok ni Michelle. Kinabit ni Kiko ang kwintas, si Michelle nakakapit ang kamay kay Layla at nakapikit ang mga mata niya. “Hoy tapos na” bulong ni Layla at pagmulat niya ng mata niya nakaupo na si Kiko sa tapat niya.

“Thanks ha” bigkas ni Michelle sabay ngiti. “Ang pangit ng buhok mo” sabi ni Kiko at nagreact na agad si Layla. “Kiko ang bastos mo talaga” sabi niya. Inabot ni Kiko ang mukha ni Michelle at hinila ang konting buhok at pinatagilid. “Mas bagay mo yung nauuso na ewan ano tawag don, basta from left e basta” sabi ng binata at biglang tumayo si Lyne at inayos ang buhok ni Michelle.

“Ganito ba?” tanong niya. “Ayan! Ganyan nga. Yan ang bagay sa iyo pero dapat paputulan mo hair mo” sabi ni Kiko. “O see sis sabi ko sa iyo e. Ayaw mo kasi makinig sa akin” sabi ni Lyne habang pabalik siya sa upuan niya. Humarap na si Kiko sa pagkain niya, sina Layla, Jessica at Ben tulala lang habang si Michelle ang laki ng ngiti sa kanyang mukha.

“Oh my God, Kiko natuluyan ka na ba? Since when ka marunong sa fashion ng mga babae?” tanong ni Layla. Lumunok si Kiko at kumuha ng napkin at mahinhin na pinunasan ang bibig niya. “Hay naku sis, ito talaga ang true calling ko ata. Di ko na pwede ideny. My only fear is that how am I supposed to tell my fatherlings and motherlings. Matatanggap ba nila na ang anak nila ay tunay na babae pero nakakulong sa katawan ng lalake?” sabi niya sabay tingin sa kisame at nag beautiful eyes.

Sumabog sa katatawa ang lahat, si Ben agad tinignan si Kiko at nagbanta. “Sige sige tapos idadamay mo nanaman ako at sasabihin mo na pareho tayo” sabi niya. Humarap sa kanya si Kiko at ngumiti. “No Ben, alam ko ganap kang lalake and all I want to say is that…I llaaabbbyuuuu” landi ni Kiko sabay bumuga ng flying kiss. “Kadiri ka talaga!!!” sigaw ni Ben. “Di mo pa ba naramdaman kanina nung dumampi ang labi ko sa labi mo? Smooch smooch mwah mwah I really lab ya pare” hirit ni Kiko.

Parang nawalan ng hininga si Michelle kaya lahat napatingin sa kanya. May luha na sa mga mata niya at ang lakas ng tawa. Ilang beses niya tinuro si Kiko, mga mata niya sumingkit, kamay niya nagpataas at dadabugin ulit ang lamesa pero nahuli ito ni Kiko. “Wag” sabi niya at bigla siya napatigil. “Masasaktan yung lamesa” sabi ng binata at muling natawa si Michelle. “At masasaktan din ang kamay mo” pahabol niya kaya napalunok ang dalaga at biglang namula ng todo ang kanyang mukha.

Gulat na gulat si Ben pagkat nahawakan ni Kiko ang kamay ng dalaga. Pero nung tinignan niya ng maigi ay may napkin sa pagitan kaya nakahinga siya ng maluwag. Sina Layla at Lyna pasimple nalang na tumingin sa malayo pero napapangiti sila. Nang matauhan si Kiko ay binitawan niya kamay ni Michelle at muling kumain.

Tahimik bigla ang grupo, si Michelle pasimpleng tinitignan si Kiko. Para mabasag ang katahimikan ay biglang nagpatawa si Ben na napasundan ng kwento ni Layla. Ang daldal ni Layla, lahat nakikinig sa kanya. Si Michelle napahawak sa pendant ng kwintas niya sabay tinignan si Kiko na nakatingin sa kanya. “Thank you” bulong niya sabay inangat konti ang kwintas. Ngumiti ang binata sabay sipsip sa softdrinks niya pero wala na palang laman. Inurong ni Michelle yung baso niya palapit kay Kiko at muli sila nagngitian.

Kinuha naman ni Kiko at agad uminom, nagulat nalang sila pagkat tapos na pala ang kwento ni Layla at nakatingin ang lahat sa kanilang dalawa. “What?” tanong ni Kiko at pasimpleng tumingin sa malayo ang lahat. Si Layla muling siniko ang kaibigan niya at napakahigpit ng kapit ni Michelle sa kanyang braso at kinikilig. “Time is up, we have to go to class” sabi ni Ben. “Wala kami klase” sabi ni Layla kaya naiwan sila ni Michelle habang umalis na yung iba.

Naglibot ng mall yung dalawa at medyo nagreklamo na si Layla. “Sis tama na hawak mo sa kamay ko namumula na o” sabi niya at natawa si Michelle. “Ay sorry ha. Hay gandang araw to talaga” sagot niya. “Kayo ha, something is going on agad ha” tukso ni Layla at lalong kinilig yung dalaga.

“Uy wala ha” sabi ni Michelle. “Aysus, mga pasimpleng ngiti at bulungan akala mo di namin napapansin” sabi ng kaibigan niya. Nagtakip ng bibig si Michelle at pinagkukurot ang kaibigan niya. “Sis samahan mo nga ako magpagupit” sabi niya at natawa si Layla. “Porke sinabi niya mas bagay mo ganon gagawin mo naman?” tanong niya. “Di ah, matagal nang sinasabi ni Lyne kaya yon” sumbat niya.

“Pero di mo naman ginawa. Nung sinabi ni Kiko lang minsan magpapagupit ka agad?” tukso ni Layla. “Oo” sagot ni Michelle at nagtawanan yung dalawa. “At dapat naman inantay ko na wala siyang hawak na napkin bago ko dinabog yung lamesa. Sayang talaga pero at least he held my hand ang stopped me” bigkas ni Michelle at muling kinilig. “Ah sis tandaan mo babae ka” sabi ni Layla at napatigil ang kaibigan niya.

“Yeah I know. Pero patas lang ang mundo, if we like someone we just cant wait for them to like us back. What if they like us too pero nahihiya, we should somehow show them that we like them too right?” sabi ni Michelle. “Pero what if you like them, they don’t like you but you show them motive so kakagat sila. Di maganda yon sis diba?” payo ni Layla.

“Bakit ganon ba si Kiko? Does he take advantage?” tanong ng dalaga. “I was just saying naman, di ko naman sinasabi na ganon si Kiko. Pero malay mo diba? You like him pero he does not like you. Pero pag pinakita mo na you do he might take advantage” sabi ng kaibigan niya. “So you think ganon si Kiko?” tanong ni Michelle at napansin ni Layla na galit ang kaibigan niya.

“I don’t think Kiko is like that. You should know him better sis kasi kababata mo siya. Ako I just met him recently and I can tell na prangka siyang tao. Tulad kanina, he tells it as it is. Kung ayaw niya sasabihin niya, like my nails and my hair. I believe that if Kiko does not like me he will find a way to show it to me or even tell me” galit ng dalaga.

Napayuko si Layla at napahiya, “Sorry sis” bulong niya. “Uy okay lang no. I was just saying also” sabi ni Michelle. “So sa tingin mo he likes you too?” tanong ni Layla. “Hmmm ewan ko. Napansin niya nails ko, napansin niya hair ko, concerned siya sa pagdabog ng kamay ko. Sapat na yon for now at least napapansin niya ako. That’s better than nothing diba?” sabi ni Michelle at nagngitian sila. “Tara sis parlor tayo sagot ko” dagdag niya at natuwa naman si Layla.

Sa school, pagkahiwalay ni Lyne at agad tumabi si Ben sa kaibigan niya at siniko ito. “Hoy ano yung kanina?” tanong niya. “Oo nga akala ko ba iiwasan mo siya?” tanong ni Jessica. Huminga ng malalim si Kiko at napakamot. “I was trying to piss her off” sabi niya.

“Piss her off? Talaga? Parang ang sweet niyo nga e!” galit ni Ben at natawa si Jessica. “Hay naku pare trust me. I was trying my best to piss her off talaga. Gusto ko siya bastusin tulad ng pagsasabi ng mga pangit sa kanya” sabi ng kaibigan niya. “Pero parang baliktad naman nangyari. Nasabi mo nga yung pangit pero may pahabol ka naman na mas maganda pag ganito ganyan” sabi ni Ica.

Napasimangot nalang si Kiko at niyuko ang ulo. “Di mo kaya ano?” tanong ni Ben. Tahimik si Kiko na sumandal sa dingding at huminga ng malalim. “Di mo kaya ano?” ulit ng kaibigan niya. “Oo pare di ko sya kaya bastusin. I thought that if I be frank at laitin ko siya sa lahat ng aking mapupuna ay mababastusan siya sa akin para tapos na problema ko” sabi ni Kiko.

“That would work trust me pero bakit di mo nakayanan?” tanong ni Jessica. Muling napabuntong hininga ang binata at tumingin sa kisame. “Di ko kaya. Di ko alam bakit. Kanina I could not stop looking at her even. Sa isipan ko naglalaro ang tanong na bakit mahuhulog ang puso ko sa kanya? Di ko alam bakit yon ang iniisip ko, dapat ang iniisip ko ay yung oras na hihiwalayan niya ako”

“I don’t know why I kept thinking of the reason why I would fall in love with her” paliwanag ng binata. “Alam ko ang mangyayari in the end pero I want to know why it will even start in the first place. Lately ganon ang naglalaro sa isipan ko. Magulo ang isip ko sa ibat ibang payo ng tao. Sabi nila na masyado ako nasaktan sa dream ko meaning I really loved her very much. Ang gusto ko malaman ay how the hell would I fall in love with her and why” sabi ni Kiko at natahimik yung dalawa.

“So anong plano mo ngayon pare?” tanong ni Ben. “Ayaw ko masaktan in the end. I am going to finish this sem here and I will have to leave. Yun nalang ang pwede kong gawin” sabi ni Kiko at walang masabi yung dalawa pagkat ramdam nila ang dinadala nitong sakit sa puso na darating palang.

“So kanina, did you find a reason?” tanong ni Ica at tinignan siya ni Kiko. “Wala” sagot niya sabay tumingin sa kisame at pinikit ang kanyang mga mata.

Sa kanyang imahinasyon ang tanging nakikita niya ay ang ngiti ni Michelle. Di niya maamin sa mga kaibigan niya na nagsisimula na ang mga pangyayari papunta sa ikakasakit niya.

Sa Aking Mga Kamay Chapter 10: Oplan: Selos

Sa Aking Mga Kamay

By Paul Diaz

Chapter 10: Oplan: Selos

Lunch break kinabukasan ay sumama sina Kiko at Ben kay Jessica. Umakyat sila sa sixth floor kung saan nagklaklase ang kaibigan ng dalaga. “Antayin niyo nalang ako dito sa hallway, kausapin ko muna” sabi ng dalaga.

Pagkaalis ni Jessica ay biglang tumawa ng malakas si Kiko. “Mwahahahaha narinig mo ba ang sinabi ni Ica? Mega beauty daw siya” pasikat niya. “Yeah right, alam mo may pagkakalog din yan e. Malay mo binibiro ka lang niya” sagot ni Ben. Sumimangot si Kiko sabay dinikit ang noo niya sa noo ng kaibigan niya. “Jelly beans ka lang, mwahahahahaha” sabi niya.

“Bakit ako magseselos e may Ica na ako, and so what pag pretty siya e make belief lang naman ang samahan niyo” sabi ni Ben pero biglang nanlaki ang mga mata niya at napanganga. “Hoy bakit?” tanong ni Kiko at pagtalikod niya ay pati siya nabighani sa ganda ng kasama ni Jessica.

“Oh my God, ang ganda niya” bigkas ni Ben. “Parang artista yan e, grabe ang ganda ng kutis niya. Mwahahahahaha” banat ni Kiko. Nakalapit na ang dalawang dalaga, “Guys this is Yna. Sis this is Ben and Kiko” pakilala ni Jessica. Natulala lang yung dalawang binata sa tamis ng ngiti ni Yna.

“So we just have to make her jealous right?” tanong ng dalaga. “Uhuh” sabi ni Kiko at biglang natawa yung dalawang dalaga. “Okay break ko naman so do you know where she is?” tanong ni Yna. “Sa panty niya siguro” banat ni Kiko at natawa yung dalaga at kinurot siya. “You are funny, I like you na” sabi niya at napangisi si Kiko at tinignan si Ben. “I believe in miracles” bulong niya. “Shut up pare” sagot nalang ni Ben.

Nagtungo ang apat para maglunch sa labas, nauna sa paglalakad sina Kiko at Yna at si Ben nagulat pagkat agad nakaakap yung dalaga sa braso ng kaibigan niya. “Ica, bakit ganyan?” bulong niya. “Ganyan talaga yan, malambing masyado” sagot ni Jessica. “Hala e di baka pati ako akbayan niyan mamaya” sabi ni Ben. “Asa ka pa. Sinabihan kona siya na di ka pwede lapitan” sagot ng dalaga. “Bakit naman?” tanong ng binata at tinignan siya ng masama ni Jessica. “Bakit nga kaya Ben?” sumbat niya at napakamot si Ben at tumawa. “Ito naman biro lang e” sabi niya.

Sa loob ng kainan ay di makapaniwala na parang napaka close na agad nina Kiko at Yna. Talagang magkadikit ang katawan nila at kahit sino makakita ay talagang aakalain na magsyota sila. “Does she eat here?” tanong ni Yna. “Minsan pero not always” sagot ni Kiko. “O kaya tama na muna yang uber sweetness niyo no” sabi ni Jessica. “Acting nga e, and we should always be prepared” landi ni Yna sabay sinubuan si Kiko.

Super ngisi nalang yung binata pero ayaw siya tignan ng bestfriend niya. “Sana totoo nalang” banat ni Kiko. “Pwede naman e” sagot ni Yna at nagulat sina Ben at Jessica. “Akala ko ba e…” sabi ng binata at tinignan siya ng dalaga. “Pwede naman ako magbago, lalo na para sa iyo” sagot niya sabay haplos sa pisngi ni Kiko. Napahawak si Kiko sa kamay ni Yna, nanlaki ang mata ni Ben kaya medyo nagpanic siya.

“Matatanggap mo ba ang isang tulad ko Yna?” tanong ni Kiko. “I liked you the moment I saw you” sagot ng dalaga at talagang din a makapaniwala yung dalawa sa nangyayari. “Pero gusto pa kita makilala e” sabi ni Kiko. “Me too, pero natatakot ako baka lalo lang mahulog ang loob ko sa iyo Kiko” sagot ni Yna. Naglapit ang mga mukha nung dalawa, mga labi nila halos magdikit na. Nanlaki na talaga ang mga mata ni Ben at Jessica pero biglang nagtawanan sina Kiko at Yna.

“Ang galing mo Kiko! Alam mo dapat sumali ka sa Theatre guild ng school” sabi ni Yna. Napakamot ang binata at napangiti, “Well gusto ko din talaga mag acting pero parang di ko talaga hilig e” sagot niya. “Sinasabi ko na sa iyo you should join us, non scripted yon ha at ang galing mo mag adlib” sabi ni Yna. “Ewan ko siguro pag isipan ko nalang” sagot ng binata.

“Hoy para kayong estatwang dalawa” sabi ni Kiko. “Akala namin totoo na” bigkas ni Jessica at natawa si Yna. “I was trying to trick Kiko pero he is good at nagets niya” sabi niya. “Whew akala ko magkikiss na talaga kayo e” sabi ni Ben. “Grabe ka naman, kiss sa first date. Siguro sa third date, diba Kiko?” sagot ni Yna. “Yeah tama, I think the third date would be just right” sagot naman ni Kiko sabay ngumisi sa kaibigan niya.

“Pero in fairness this seems to be a good deal” sabi ni Yna. “Good deal?” tanong ni Jessica. “Yup, kasi I do have suitors na guys and two are right here now. Nasaktan na ata sila” bulong ng dalaga. Biglang umakbay si Kiko kay Yna, “Eto pa saktan pa natin sila” banat niya. Sumandal naman si Yna sa dibdib niya at sila ay nagtawanan. “Gustong gusto mo naman ano Kiko?” tanong ni Jessica. “Excuse me, this is pure acting, diba Yna?” sagot ni Kiko. “Ikaw kung tingin mo acting okay lang” sagot niya kaya muling napangiti ng malaki ang binata at tinignan ang bestfriend niya.

Pagkatapos nila kumain bumalik na sila sa campus. Sa malayo nakita ni Ben si Layla pero di kasama si Michelle. “Pare si Layla nandoon o, pero di siya kasama” sabi niya. “Okay lang maybe next time” sabi ni Kiko. “Wait, is that Layla her friend?” tanong ni Yna. “Yes at ka block section niya” sagot ni Jessica. “Tara lapit tayo don” sabi ni Yna at biglang hinawakan ang kamay ni Kiko at nauna sila.

“Wait pupuntahan natin siya?” tanong ni Kiko. “Nope dadaanan lang to make sure she will see us” sabi ni Yna. “Kayo nalang sis, dito nalang kami ni Ben” sabi ni Jessica. “Okay, tara na sweety” sabi ng dalaga. “Okay babe” sumbat naman ni Kiko at napakamot nalang si Ben. Parang totoo silang magsyota, dumaan sila mismo sa tapat ni Layla at nakita nila ang reaksyon niya.

Natawa sina Ben at Jessica at agad nagtago para di sila makita. “Mission accomplished” sabi ni Ben. “Oo nga, bahala na si Layla magkwento kay Michelle. My God kahit sino makakita naman they really look like a couple” sabi ng dalaga. “Pero sa tingin mo sapat na ba yan to make Michelle quit?” tanong ni Ben. “Well lets say ako si Michelle ha, oo naman. Masakit na damdamin yan” sabi ng dalaga.

“Oh my God, wag mo sasabihin kay Kiko yan” sabi ni Ben. “Bakit naman? Di ba yan naman ang goal niya?” tanong ni Jessica. “To make Michelle dislike him oo, pero ayaw niya makasakit. Ganyan si Kiko no. If he learns na nasaktan si Michelle I fear that he will correct it, baka maging close sila because of that. So wag mo nalang banggitin sa kanya” paliwanag ni Ben.

Sa malayo patuloy ang paglalakad nina Kiko at Yna. “Ah wala na ata siya kaya pwede na bumitaw” sabi ng binata. “Beneficial to both nga diba? Saka na bumitaw pag nasa classroom na” sagot ni Yna. “Ah oo nga, pero Yna okay lang ba ang ganito? I mean its an act, pero madami din magtatanong sa iyo for sure” sabi ni Kiko at natawa ang dalaga. “Uy concerned. Pag ganyan kasi if they ask questions may choice ka naman not to answer e. In short WYSIWYG” sagot ni Yna.

“What you see is what you get. E people might think na tayo talaga. That would be bad in terms of your love life, yeah I know youre into girls pero diba yung mga girls that like you would also stay away from you now. What if lumayo na sa iyo yung nararapat sa iyo?” tanong ni Kiko. “Dapat tinanong mo din yan sa sarili mo e. You are trying to make that girl dislike you pero what if she was the real one for you?” sagot ni Yna.

“I know she is not” sabi ni Kiko at napatingin sa kanya si Yna. “Ows? How can you tell?” tanong niya. “I just can tell” sabi ng binata at natawa yung dalaga. “Negative thinker ka siguro. How will you know e di mo pa nga daw kilala masyado e sabi ni Jessica. Negative thinker at judgemental ka ba?” tanong ni Yna.

“Di ko maexplain e” sabi ng binata. “Go ahead try me” sabi ng dalaga at napaisip ng malalim si Kiko. “Alam mo ba yung inner feeling na alam mo nang mali talaga from the start? Yung tinatawag na gut feeling ba” sabi ni Kiko. “Hmmm yes, that happens to everyone. Tapos ang nakakatawa don alam mo na nga then you do the other thing and in the end sasabihin mo nalang sabi ko na nga ba e” sagot ni Yna.

“Yun nga yon, I feel that she is going to break my heart so I am avoiding that” sabi ng binata at lalo natawa si Yna. “Pero alam mo life is complicated. We all go through that stage naman e. Sabi nga nila in everything that happens sa buhay natin we learn something. Pag feeling mo she is going to break your heart one day, naisip mo din ban a you might learn something from experience?” sabi ng dalaga.

Medyo nalito si Kiko at napatingin sa dalaga. “Kasi if you say she will break up with you one day, there must be a reason. Malay mo at fault ka din kaya mangyayari yon, so how will you learn where you went wrong now kung iiwasan mo na agad siya?” dagdag ni Yna. “Oh? What if we say that one day nakahanap siya ng iba, at yon ang rason ng pag break up?” banat ni Kiko. “Nega thinker again, pero if that’s the case then may mali ka parin for sure. Ang tao di naman maghahanap ng bago yan kung di siya masaya sa kasama niya e. Diba?” bawi ni Yna.

“Mangangaliwa nalang ang tao pag may nakita siyang mas makakapagpasaya sa kanya” bigkas ni Kiko. “Exactly, so instead of looking at it as being her fault you should also look at yourself. Pero di mo na malalaman yon kasi iniiwasan mo na siya. Tama na nga yan, pati ako if I know one day I would get my heart broken by a person I would do the same as you. Tanga lang naman ang gusto masaktan e” sabi ni Yna.

“Hay salamat at kinampihan mo din ako” sabi ni Kiko at nagtawanan sila. “Syempre naman, ikaw ang sweety pie ko e” banat ni Yna at lalo pa sila nagtawanan. “Okay babe we better get back now or else we would be late for class” sagot ni Kiko. “Pero Kiko alam mo minsan di maiwasan maging tanga pagdating sa pag ibig” bulong ni Yna. “Yeah I know, pero babe naman e. Wag na natin pag usapan yan, focus on the now” banat ni Kiko at masayang bumalik sa building nila ang dalawa.

Samantala sa classroom nina Michelle, dahan dahan naupo si Layla sa tabi niya. “Oh what happened, bakit parang shocked and itsura mo?” tanong ni Michelle. “Trust me you don’t want to hear the reason” sagot ni Layla. “O sige sabi mo e” sabi ng dalaga pero di mapakali ang kaibigan niya. “I saw Kiko with a very pretty girl” sabi ni Layla at napatingin si Michelle sa kanya.

“Jessica?” tanong niya. “Nope, much prettier and they were holding hands” sagot ng kaibigan niya. Nabigla si Michelle pero di niya pinahalata. “Ah kaya naman pala mahirap hagilapin e. May girlfriend na pala” sabi niya. “And you are okay with it?” tanong ni Layla. “Oo naman bakit hindi? I just said I like him, pero taken na pala so respeto nalang” sagot ni Michelle sabay tumingin sa malayo. “Sure ka sis okay ka lang?” hirit ni Layla. “Yup, pero she is a lucky girl” sagot ng dalaga sabay nanginig ang mga labi, ang ngiti naging simangot.

Isang lingo ang lumipas, araw araw magkasama si Kiko at Yna pero ang target nila di nila nakikita. Katatapos lang nila mananghalian kasama sina Ben at Jessica, pabalik na sila sa school at sa malayo nakita ni Ben si Layla at Michelle. “Pare ayun o!” sabi ni Ben. “Aw she looks sad” sabi ni Jessica. “Sorry I cant see her” sabi ni Yna. “Malabo kasi mata niya at di niya suot contacts niya today, hayaan mo na mukhang mission successful naman na e” sabi ni Kiko. “No, dapat talagang iparada mo ako sa harapan niya” sabi ni Yna.

“That would be cruel already Yna” sabi ng binata. “Well if you really want her to believe that we are a couple then she should see us up close” sagot ng dalaga. “Yup tama siya Kiko” sabi ni Jessica. Huminga ng malalim si Kiko at si Yna talagang dumikit at umakbay sa katawan niya.

“Sis, ayan o si Kiko and his girl” bulong ni Layla at agad napalingon si Michelle. Pinagmasdan ni Layla ang mukha ng kaibigan niya at nagulat siya at nakangiti ito. “Ano yan plastic smile?” biro niya. “True smile sis, tara salubungin natin sila” sabi ng kaibigan niya. “Sis alam ko hurt ka kahit di mo sabihin pero wag na” sabi ni Layla. “Anong hurt pinagsasabi mo” sagot ni Michelle.

“Sus sis you don’t have to pretend na di ka affected at ilang araw ka nang malungkot” sabi ni Layla. “Aminado ako, I was sad but not anymore. Tara dali” sabi ni Michelle at hinila ang kaibigan niya.

Nagtagpo ang dalawang grupo, nakangiti si Michelle kaya medyo nalito sina Ben at Kiko. “Hi Yna!”bati ni Michelle at talagang nagulat si Layla, Jessica at yung dalawang binata. “Uy Michelle, hoy babaeita ka bakit di ka na pumapasok sa practices?” sagot ni Yna. “Hmmm wala lang I was busy. Uy sis nagbago ka na ba? Hi Kiko” sabi ni Michelle at biglang napatingin si Yna sa binata. Nakangiti si Kiko pero agad naintindihan ng dalaga ang nangyayari.

“Uy no ha, Kiko here is a prospect. Nirerecruit ko siya sa theatre pero ayaw niya talaga. But trust me he is good” sabi ni Yna. “Ah akala ko kasi nagbago ka na at you two are a couple already” sabi ni Michelle. Bumitaw si Yna kay Kiko at kay Michelle naman umakbay. “Bakit sis nagseselos ka?” biro niya at nagtawanan yung dalaga. Napailing nalang si Kiko at tumabi sa kanya si Ben at bumulong. “Mwahahahahahaha mission failed” sabi niya.

Tumalikod si Kiko at napakamot, nakita niya si Ben at Jessica na pasimpleng tinatawanan siya. “I didn’t know magkakilala sila” bulong ng dalaga. “Mwahahahahaha” hirit ni Ben at napangiti nalang ang kaibigan nila at huminga ng malalim.

Hinila ni Yna si Kiko at kumapit sa kaliwanang kamay niya, si Michelle naman kumapit sa kanan at bigla nalang sila naglakad lakad. Lumingon si Kiko kina Ben at Jessica at ngumisi. “Mwahahahahaha” tawa niya kaya napatingin sa kanya yung dalawang katabi niya. “What? Oy Layla bakante pa yung mga paa ko baka gusto mo din kumapit. Ikaw din Jessica” banat niya at nagtawanan ang mga girls.

Nilibot nila bilang isang grupo ang campus, nalilito si Kiko pagkat nagkwekwentuhan sina Yna at Michelle. “Gusto niyo kayo nalang magtabi mukhang nahihirapan kayo mag usap pag nandito ako sa gitna” sabi niya. Parang walang narinig yung dalawang babae at di sila bumitaw. Paglingon niya nakita niya sina Jessica at Layla nagbubulungan at nagtatawanan kaya alam niyang nabuking na ang plano niya.

Ilang minuto pa biglang kinalbit ni Layla si Michelle. “Uy sis nalampasan na natin building natin” sabi niya. “Oo nga, eh ihahatid natin sila sa building nila” sagot ng kaibigan niya at pasimpleng tumawa si Yna at kinurot si Kiko. “Uy” bulong niya. Pagdating nila sa Psychology building ay talagang ayaw pa bumitaw ni Michelle.

“Sis bitaw na” biro ni Yna at biglang natauhan ang dalaga kaya bumitaw kay Kiko. “Ay sige pala late na kami ni Layla. Mauna na kami ha” sabi niya at agad umalis yung dalawa. Natatawa nalang sina Jessica at Yna, pero si Ben biglang umakbay sa kamay ng kaibigan niya. “Sige pare kunwari ako nalang muna si Michelle” banat niya sabay talagang kumapit ng mahigpit.

“Uy sorry Kiko ha di ko talaga alam” sabi ni Jessica. “Okay lang yon, di ko lang naisip na magkasama pala yung dance troupe sa threatre” sagot ng binata. “Yup pareho kami nasa performing arts club” sabi ni Yna. “Ayaw ko na talaga mag join” banat ng binata at biglang natawa yung mga dalaga nang talagang kumapit si Ben kasama ang paa sa kaibigan niya. “Hi Kiko” landi niya.

Hinila ni Jessica si Ben at nauna na sila umakyat. “Sorry ha, I guess it didn’t work out” sabi ni Yna. “Okay lang no, pero I did enjoy your company and your stories” sagot ni Kiko. “Uy showbiz answer” tukso ng dalaga at nagtawanan sila. “Honestly I did enjoy” hirit niya.

“Pero alam mo Kiko, Michelle is mabait. Trust me kasi I know so. Maybe you should give her a chance” sabi ng dalaga. “Well di naman niya ako nililigawan e” sagot ni Kiko. “I know pero ang ibig ko sabihin ikaw ang manligaw” nilinaw ni Yna at tumawa yung binata. “Iniiwasan ko nga diba?” sabi ni Kiko. “Yeah right pero kanina I felt your heart beating fast nung nakaakbay siya. The past week nung magkaakbay tayo di naman ganon puso mo” sabi ni Yna.

“E syempre natetense nga e. Iniiwasan ko nga siya tapos katabi ko at nakaakbay pa” sabi ni Kiko. “Yeah yeah pero I can see that you like her too” sabi ng dalaga. “Nope mali ka” sagot ng binata. “Kahit konti? Masama ang nagsisinungaling” landi ni Yna at napangiti si Kiko. “Buking! Trust me Kiko she is very nice, kaya lang…” sabi ng dalaga.

“Kaya lang ano?” tanong ni Kiko. “Magiging magkaribal tayo” sagot ng dalaga at bigla sila nagtawanan. “Totoo ka?” tanong ng binata. “Yup pero para sa iyo handa ako magparaya. Honestly, if you are going to court her I will stop kasi I can see that she likes you very much” sabi ni Yna. “E kung ikaw ang niligawan ko?” tanong ni Kiko at nagulat ang dalaga.

“Hmmm alam mo ba I always wondered ano ang feeling ng magkaroon ng boyfriend. This past week I kinda felt it. I mean what it is to be with a guy. I actually enjoyed sa totoo pero ewan ko eversince I was a kid I was already attracted to girls. So kahit na I was with a guy for a week di parin ako nagbabago e. Pero if ever I would change, ikaw una kong pupuntahan…that is pag di kayo nagkatuluyan ni Michelle” sabi ni Yna.

“As if naman liligawan ko siya” sabi ni Kiko at tumawa ang dalaga. “Trust me you will fall in love with her” banta ni Yna. “It will never happen” sumbat ni Kiko. “Oh yes it will” landi ng dalaga sabay ngumisi. “Read my lips, it will never happen” bawi ng binata.

“Whatever Kiks, tara na nga sa taas” sabi ni Yna. Maghihiwalay na sana ng landas sina Ben at Jessica nang biglang tumunog ang phone ng binata. Nilabas ni Ben ang phone niya at agad sumilip si Jessica. “Sino yan?” tanong niya. “Relax, wala ako katext except you and Kiko” sagot ni Ben. “Patingin nga” sabi ng dalaga at natawa si Ben at inabot ang phone niya.

Binasa ni Ica ang phone at tinignan si Ben, “Reminder lang naman pala” sabi niya. “Anong reminder?” tanong ng binata. “Hmmm sabi dito e, ala una sharp fourth floor hallway maglalaway ka, by Kiko” basa ng dalaga. Biglang naalala ni Ben ang sinabi ng kaibigan niya nung naglunch sila kaya agad niya hinila si Jessica at nagtungo sila malapit sa stairway. Nagtago yung dalawa sa corner at may inabangan. “Ano ginagawa natin dito?” tanong ni Jessica.

“Shhhh just watch, 12:59 na, any moment na” bulong ni Ben at nagmasid yung dalawa. Umabot sa fourth floor sina Kiko at Yna, saktong nag ring na yung bell at humarap yung dalaga sa kanya. “I guess dito na nagtatapos ang pagpapanggap natin Kiks” sabi ni Yna. “Oo nga e, kahit na ganon nangyari e salamat talaga ha. At least we tried” sabi ng binata.

“Ika nga I spent time with the enemy” sabi ni Yna at natawa si Kiko. Di nagtagal ang tawa niya pagkat niyakap siya ng dalaga sabay hinalikan sa labi. Nakita na ni Kiko na mangyayari yon kaya kunwari nalang na gulat siya. “Alam ko talo ako so that kiss was for her, kiss her for me. See you around Kiks” sabi ni Yna. Ngumiti yung dalaga sabay tumalikod at masayang naglalakad palayo.

Gulat na gulat sina Jessica at Ben sa nakita nila, malapit na makalapit si Yna sa kanila kaya agad sila nagpasimple at sumandal sa dingding. “Hey you two, bakit kayo nandiyan pa e nag bell na?” tanong ni Yna. “Ah wala lang, papasok na kami” sabi ni Jessica. Ngumiti si Yna at naglakad palayo habang sumasayaw at kumakanta. “I kissed a boy and I liked it” kanta niya.

“Mwahahahahahahahahahha!!!” malakas na tawa ang narinig ng buong fourth floor mula sa corridor. Muli tinignan ni Jessica si Kiko sabay tinignan si Ben. “How did he know something was going to happen?” tanong ni Ica at nautal yung binata at di makapagsalita. “Ben? How did he know?” ulit ng dalaga. Napakamot si Ben at tinignan ang relo niya. “Tara na late na tayo” sabi niya. “Ben!” sigaw ni Ica at biglang sumulpot si Kiko. “Ano pare nakuha mo ba?” tanong niya.

“Yung alin?” tanong ni Ben. “Oh my God Ben! Sabi ko dito magkikita ng ala una e. Yung assignment natin, ibibigay ni Edward, sinulat ko pa sa phone mo para di mo makalimutan e. Akin na nga phone mo” sabi ni Kiko at inabot sa kanya yung phone ni Jessica. Nagsisipindot si Kiko at tinignan ng masama ang kaibigan niya. “O ayan o ang linaw o” sabi ni Kiko sabay pinakita sa dalawa.

“Nabasa na namin yan kanina, fourth floor corridor ng ala una” sabi ni Ica. “Duh! Please read again” sabi ni Kiko. Pagtingin nung dalawa ay fifth floor na yung nakalagay. Kinuha ni Jessica ang phone at tinignan maigi. Yun lang ang reminder sa phone kaya nagtataka siya. “So wala na yung assignment natin pare. Hay naku tara na nga at kailangan pa natin magsulat ulit” sabi ni Kiko. “Oh my God sorry akala ko talaga fourth yung nabasa ko” sabi ni Ica. “Okay lang isusulat nalang ulit namin” sabi ni Ben.

“Uy sorry kanina, akala ko alam niya mangyayari yung you know” bulong ni Ica. “Shhhh wala tayo nakita” bulong ni Ben at nagtawanan yung dalawa. Humiwalay na si Ica at nagmadaling pumasok yung dalawang binata. “Nice save pare” bulong ni Ben at napangiti si Kiko at pinasikat ang mga daliri niya. “Ninja speed fingers” sabi niya.

“Pero pare bakit mo hinayaan ma mangyari yon?” tanong ni Ben. “Yung kiss? Sino naman lalake ang tatanggi pa? Nagpapakatotoo lang pre” sagot ni Kiko. “No I mean hinayaan mo na makita ni Jessica. Alam mo naman na makikita niya e, bakit pa?” tanong ng kaibigan niya. “Tama lang yon, kasi ikaw di mo sasabihin, si Yna di niya sasabihin. So may malaking chance na pag nagkasama sina Jessica, Layla at Michelle at pinag usapan nila ako makwekwento niya yon. O ha! Sometimes we need to take the necessary evil measures to get the job done” bulong ni Kiko sabay nilapit niya ang bibig sa tenga ng kaibigan at tumawa.

“Mwahahahahahahahaha”

Sa Aking Mga Kamay Chapter 9: Saklolo

Sa Aking Mga Kamay

by Paul Diaz

Chapter 9: Saklolo

Kinabukasan ng umaga, nadatnan ni Ben si Kiko na nakatulala sa loob ng classroom. Agad siya tumabi at tinitigan ang kaibigan niya. “Hoy, akala ko ba ayaw mo siya makilala? Ano tawag mo sa sweetness niyo kahapon?” tanong niya. Tulala lang ang kaibigan niya at nakatingin sa pisara, “We were just sharing a chocolate, wag mo lagyan ng kulay ang nakita mo” sagot ni Kiko na parang robot.

“Sharing a chocolate? Nagulat kami lahat pagkat you barely met tapos ang sweet niyo. Kinikilig nga sina Layla at Lyne sa inyong dalawa. Ano pare talagang gusto mo ata masaktan e” sabi ni Ben. “Loko! Malay ko ba na makikisilong siya. Tapos gutom daw siya so since may chocolate ako binigay ko sa kanya. Siya lang dapat kakain pero pinilit niya ako, pare I said no ilang beses pero yung mata niya parang nalulusaw ako kaya napakagat na ako. After that di ko alam it just felt right” paliwanag ng kaibigan niya.

“Wow it felt right. So yung panaginip mo gusto mo talagang mangyari ganon ba pare?” tanong ni Ben at tinignan siya ni Kiko. “Of course not, pare di ko alam ano talaga nangyari kahapon pero hanggang doon nalang yon trust me. Now we know each other, di ko na siya pwede iwasan kasi lagi niya kasama si Layla. Ayaw ko naman isipin ni Lay na iniiwasan ko siya so may plano ako” kwento ni Kiko.

“Anong plano pare?” tanong ni Ben. “Well sisirain ko image ko sa harapan niya para no chance in hell na magustuhan niya ako. O diba?” sabi ng bestfriend niya at napabilib si Ben. “Hmmm interesting idea pare. Pero ikaw matitiis mo bang hindi mainlab sa kanya? She has a pretty face, ganda ng mata niya, ganda ng kutis, tapos ang cute ng boses niya” landi ng bestfriend niya.

Biglang napangiti si Kiko at huminga ng malalim, “Ang tangos pa ng ilong niya no tapos ganda ng ngiti” bulong niya at bigla siya binatukan ni Ben. “O ayan sige, maaring magagawa mo sirain sairili mo pero she will be herself at maiiwasan mo ba talaga mainlab sa kanya?” sabi ng kaibigan niya.

“Pare hindi ko habol ang babae na ikinabibighani ng aking mga mata. I am not after what the tea cup looks like. I am after the taste of tea that it contains” sabi ni Kiko. “Kahit na yung tsaa nakalagay lang sa baso na gawa sa ugod ugod na kawayan o kinakalawang na baso basta masarap ito. Di porke maganda na yung baso e masarap narin yung inumin na nakakarga don” dagdag niya.

“Wow pare deep yon ha. Masarap nga yung tsaa mamatay ka naman ng tetano” banat ni Ben. “Har har har, basta pare ganon ako. Basta kung magtagpo ulit kami sisiguraduhin ko na ma turn off siya sa akin. I will not fall in love with her, itaga mo yan sa bato!” bigkas niya at wala nang magawa si Ben kundi maniwala sa kaibigan niya.

Pagsapit ng lunch break nagsama sama sila sa mall. Sa loob ng isang fastfood restaurant sinadya ni Ben na magkatapat na nakaupo sina Kiko at Michelle. “Di ko alam pare kung kaibigan kita o kalaban e” sabi ng binata at napabungisngis nalang si Ben. “Pare she looks very pretty today o. Lagi ka pa niya sinusulyap” bulong niya.

“Jessica may binubulong si Ben sa akin, gusto mo malaman?” tanong ni Kiko at biglang nagpanic ang kaibigan niya. “Ano yon Ben?” tanong ni Jessica at napangisi si Kiko. “Ah wala nagibibiruan lang kami” sagot ng binata sabay siko sa kaibigan niya.

Dumating na ang pagkain nila, agad pinuno ni Kiko ang bibig niya sabay nilakasan pa ang pagnguya. “Kiko! Manners naman” sabi ni Layla. Ngumiti lang si Kiko at binagalan ang pagnguya pero lalo pa niyang nilakas ang tunog. Biglang natawa si Michelle, kaya agad niya naramdaman na palpak ang plano niya.

Habang kumakain yung iba, hinawakan ni Kiko ang baso niya ng softdrinks, hinigop ang straw ang malakas at kahit ubos na tuloy ang paghigop nito. Nairita nanaman si Layla, “Ano ba Kiko? Wala na ngang laman e” sabi niya. Inarapan lang siya ng binata sabay tinuloy ang pag gagawa ng ingay. Muli siyang nabigo pagkat lalo lang natawa si Michelle sa kanya, “Ang taray ng pag irap niya sa iyo sis” sabi niya sabay tawa ulit.

“Missioned failed” bigkas ni Ben sabay tawa. “Anong mission failed?” tanong ni Jessica. “Ah yung nilalaro namin na game ni Kiko yon. Bigla ko lang naalala kasi lagi kami namamatay sa isang mission” palusot niya.

Sumandal si Kiko sa upuan, tinaas niya shirt niya sabay hinimas ang tiyan. “Hay sobrang busog, sarap matulog” sabi niya. “Diyos ko nakakahiya ka talaga, public place to ang daming tao tapos nag gaganyan ka” reklamo ni Layla. Tinignan lang siya ng binata sabay nagburp ng malakas. Sumabog bigla si Michelle sa katatawa at si Ben tinignan ang bestfriend niya at ngumisi.

Naupo ng maayos si Kiko sabay umakbay sa braso ni Ben. “Kain lang kayo, iglip lang ako saglit” sabi niya. “Pare naman bakit ka pa umaakbay sa akin?” tanong ni Ben. “Wag ka na maarte, ganito naman ginagawa natin pag tayo lang e” sabi ng bestfriend niya at biglang nagtawanan ang mga babae. Pinikit ni Kiko ang kanyang mga mata, naiirita si Ben pero biglang tumawa ng malakas si Michelle.

TInuro ng dalaga si Kiko, lahat napatingin sa kanya at nakitang nakanganga siya at tumutulo ang laway. Biglang tumayo si Ben at diring diri sa kaibigan niya. Hinila ni Kiko ang shirt ng kaibigan niya para magpunas ng bibig pero agad lumayo si Ben. “Kadiri ka pare!” sigaw niya. Tumawa lang si Kiko pero bigla siyang inabutan ni Michelle ng napkin. “Eto o” sabi niya.

Nanigas saglit ang binata at napatingin sa iba, kinuha ang napkin sabay niyuko ang ulo. “Salamat” bigkas niya. Imbes na punasan ang bibig ay tinitigan niya ang napkin sabay dahan dahan kinagat. “Masarap siya in fairness” sabi niya at naging sentro sila ng atensyon pagkat napalakas ang tawanan ng mga kasama niya.

Pagkatapos kumain ay nagpasya na sila umalis, nagkatabi si Kiko at Michelle nang palabas sila ng pinto. Imbes na paunahin ang dalaga, talagang sumingit si Kiko at naunang lumabas, napailing nalang si Layla at nagtakip ng mukha.

Pabalik na ng classroom sina Michelle at kaibigan niya pero napansin niyang nakayuko si Layla. “Sis whats wrong?” tanong niya.”Nakakhiya si Kiko kanina, I am very sorry” sagot niya. “Sira, okay nga e” sabi ni Michelle. “Anong okay don? Kadiri ang mga pinag gagawa niya. Alam ko hilig niya magpatawa pero kanina ibang level na ang ginawa niya. Masyado nang walang manners at di na nakakatawa e” paliwanag ni Layla.

“Hay, I found it funny. At least totoong tao siya. Everybody burps, and maybe he was just really hungry” sabi ni Michelle. “Ewan ko don. Parang di siya gentleman e” hirit ni Layla. “Ah you mean about the door thing? I didn’t think of it that way, I thought gusto niya lang mauna kasi may mga nakatambay na grupo ng weird looking guys sa labas ng door”

“My dad is like that, pag alam niya madami kami he goes first kasi kampante siya may kasama pa ako sa likod. He was just being protective kasi nga siguro yung nangyari kahapon na nasnatch bag ko” paliwanag ni Michelle. Natulala si Layla at napakamot, “My God you look at things so positively” bigkas niya. “Oo naman, wag kasi unahin yung negative thinking. Lahat naman ng ginagawa natin we do it since we think its right kahit na sa tingin ng iba ay its wrong. So before you react negatively towards a person for what he did, isipin mo muna bakit kaya niya nagawa. Ako I always like to think of the positive ones” sabi ng dalaga.

“Di ka nandidiri sa mga pinag gagawa niya?” tanong ni Layla. “Nope, he was just being him. Oo you would wish that he could have covered his mouth when he burped, or chewed silently pero if you think about it, sa mga ganon bagay tayo natatawa e. It tickles us kasi diba we know about manners, I am sure he knows them too but he was just making us laugh” sagot ni Michelle. “Parang pinagtatanggol mo ata si Kiko ah” biro ni Layla at ngumiti lang ang kaibigan niya.

“And isa pa Layla, don’t be too harsh on him. Masyado kang strikto sa kanya” dagdag ni Michelle. Natawa na si Layla at nagtakip ng bibig. “Sis may napapansin na ako ha” sabi niya. “Ano naman yon?” tanong niya. “Masyado kang concerned kay Kiko, uy!” tukso ni Layla. Gulat na gulat si Michelle at wala siya nagawa kundi tumawa. “Uy hala to ano pinagsasabi mo sis” sagot niya.

Lalo natawa si Layla at tinuro ang namumulang pisngi ng kaibigan niya. “Alam mo sis okay lang. Wala na namamagitan sa amin ni Kiko. We are just close friends so its really okay” sabi niya. “Hala to! Ganito lang talaga ako no” sabi ni Michelle. “Ows? I remember dati si Jerry, he burped nung nagsnack tayo then ano sabi mo? Ano na ulit yon? Na bastos siya at di man lang mag excuse me?” landi ni Layla at natawa ang kaibigan niya. “Iba naman kasi yon e” sabi niya at lalo natawa ang dalaga. “Oh favoritism ba? Pag si Kiko okay lang pero pag iba bad na?” hirit ni Layla at napahalakhak na si Michelle.

“Baka nagkataon lang na bad mood ako. Diba we just had a difficult quiz that time. Kaya ako nairita siguro” palusot ni Michelle. “Ah okay then. Gusto mo kwentuhan kita about kay Kiko?” sagot ni Layla at napangiti ang kaibigan niya. “Sige game” sabi niya at nagtawanan silang dalawa. “Do you like him?” biglang tanong ni Layla at napatigil si Michelle. “As in wala na ba kayo?” tanong ng dalaga.

“Wala na talaga sis, wala nang balikan ever” sagot ni Layla. “I like him, o game kwento ka na” sabi ni Michelle at napangiti si Layla. “E di umamin ka din” banat niya sabay tawa. “I liked him eversince” bulong ni Michelle. “Ano?” tanong ni Layla sa gulat. “Basta sis you wont understand, sige na kwento ka naman na” sabi ni Michelle. Medyo napaisip si Layla, naguguluhan siya sa sinabi ng kaibigan niya pero nagkwento siya agad tungkol kay Kiko.

Dismissal na, sumama si Kiko kina Ben at Jessica na maglibot sa mall. Naupo yung tatlo sa loob ng isang fastfood resto, “Pre pwede ko ba kausapin si Jessica saglit?” bulong ni Kiko. “O sige pre order lang ako” sabi ni Ben sabay umalis.

“Ica, may tanong ako” sabi ni Kiko at napatingin yung dalaga sa kanya. “Game ano yon?” sagot ng dalaga. “Hmmm how will I make a girl dislike me?” tanong ng binata at biglang natawa si Jessica. “Di ba baliktad ang tanong mo?” tanong niya. “Hindi e, I am not saying na she likes me, I don’t like her too. Pero gusto ko na paunahan so ano ba dapat kong gawin para di siya magkagusto sa akin? Kapal ng mukha ko no?” paliwanag ni Kiko at nagtawanan sila.

“So weird question coming from a guy pero ano nga ba” sabi ni Jessica at napaisip silang dalawa. “Should I act bastos, do kadiri stuff or ignore her?” tanong ni Kiko. “Ang tanong ikaw ba talaga yan? Kaya mo ba imaintain ang image na ganyan?” sagot ng dalaga. “Hindi pero if ever that’s what it takes then gagawin ko” sagot ni Kiko. “Kasi kung magpapanggap ka di naman lagi naka activate yung pagpapanggap mo e. Lalabas at lalabas ang tunay mong kulay. She might get to see who you really are tapos mangibabaw ang good qualities mo over the bad ones, she could still like you” paliwanag ni Jessica.

“I like Ben for who he really is, gumagawa din siya ng kadiri stuff lalo na pag magkasama kayong dalawa pero di naman ako natuturn off sa kanya. May bastos side din siya na nakikita ko but he isn’t like that with me. Di ko naman sinasabi na bastos siya, pero may instances na nakakagawa siya ng ganon but okay lang naman kasi pati naman ako siguro may nagagawa din akong bastos na di ko namamalayan. If ever na may magsabi sa akin na bastos si Ben, ipagtatanggol ko siya by stating his good qualities” dagdag ng dalaga.

“So dapat siya lang ang babastusin ko?” tanong ni Kiko at natawa si Jessica. “That will work pero parang di ikaw. Loko loko ka pero feel ko di ka bastos, well lagi ka nakwekwento ni Ben e so parang kilala narin kita” sabi ng dalaga. “Yeah, ayaw ko naman kasi makasakit ng damdamin ng tao. So how will I make her not like me?” sabi ng binata.

“Know what she likes in a guy and don’t be that guy” sabi ni Jessica at biglang tumawa si Kiko. “Know what she likes e di ibig sabihin kailangan ko maging close sa kanya. Yun nga iniiwasan ko e” sabi ng binata. “Bakit kasi? Pag naging close kayo di mo mapipigilan sarili mo mainlab kay Michelle” banat ng dalaga at nagulat si Kiko. “Whooa anong Michelle ka diyan?” tanong niya.

“Masyado ka obvious e. Parang wala naman ako kaninang lunch. Remember I was there too” sabi ni Jessica. “Hala what are you talking about?” tanong ni Kiko at lalo natawa yung dalaga. “You were acting so weird kanina, at timing narin sa tanong mo. So connect the dots nalang” paliwanag ni Jessica. “Ano naman weird don? Normal lang naman ako kanina” pilit ni Kiko.

“Really? Di ka naman ganon dati. Sino lang ba ang nandon? Me, pero alangan naman na ako yung pinapakitaan mo ng ganon diba? Si Layla hindi rin kasi naging kayo dati, so its Michelle” sabi ng dalaga at natawa si Kiko. “Nandon din naman si Lyne ha” sumbat niya. “Oo nga pero I noticed that Michelle was always looking at you at pati naman ikaw tingin ng tingin sa kanya” banat ng dalaga at naipit na si Kiko kaya tumawa nalang.

“Pare wag ka na magdeny, oo si Michelle ang iniiwasan niya” sabi ni Ben na nakabalik na dala ang pagkain. “Ayos pagkampihan ba ako ng love birds” bigkas ni Kiko. “Hay naku o so buking ka na, she seems nice naman. Actually advantage mo na nga e kasi she keeps looking at you. Usually pag ganon e talagang like nila yung tao” tukso ng dalaga. “Hindi nga si Michelle, si Ben yon. Gusto ko mandiri si Ben sa akin para di na na siya magkaroon ng feelings sa akin para kayo nalang dalawa” banat ni Kiko.

Tinapik ni Ben ang noo ng kaibigan niya, “Wag mo na ako dinadamay diyan, buking ka na nga e” sabi niya. “Sinabi mo sa kanya no?” tanong ni Kiko at tumawa si Jessica. “He didn’t, masyado ka lang obvious trust me” sabi ng dalaga. Huminga ng malalim si Kiko sabay sumandal, “Okay so I am trying to make Michelle dislike me, so help me out please” sabi niya.

“Okay but can you tell me why? For sure may rason kaya ganyan. Kasi pag wala madami ako iisipin tungkol sa iyo. A guy trying to make a pretty girl dislike him is just so out of this world. Okay so you say you don’t like her pero do you already know her? Diba? Napaka weird e. Okay lang sana pag matagal na kayo magkakilala pero sa tingin ko you two just met” sabi ni Jessica.

Napatingin si Kiko sa bestfriend niya sabay niyuko ang ulo. “Di ko maexplain e” sabi niya. “Alam mo bago mo siya kasi ijudge Kiko, kilalanin mo muna siya. To me she seems nice naman kaya di ko maintindihan bakit gusto mo ng ganyan” sabi ng dalaga. “Ica, kasi ganito yan” sabi ni Ben at napatingin si Kiko sa kanya. “Ako nalang pre” sabi niya kaya lalo nacurious ang dalaga.

“I trust Ben so I told him my secret. I trust you too Ica, so I hope this stays with us three only” sabi ng binata. “Oo naman” sagot ni Jessica sabay napatingin kay Ben. “Okay. Ever since bata ako I had this dream of one girl breaking up with me. Ang sakit sa dibdib talaga, I was five that time at damang dama ko na yung sakit. Growing up lagi ko napapaginipan yung same dream na yon. Up to today laging ganon, although may ibang dreams din ako syempre” kwento ni Kiko.

“Wow, and that girl is Michelle?” tanong ni Jessica. “Yeah. Nagulat ako nung University week, akala ko yung babaeng yon sa dream ko parang fiction. Pero talagang nagulat ako nung nakita ko siya. The girl who would break my heart was real” sabi ni Kiko. “Pero Kiko alam mo naman na ang dreams may ibang interpretation naman e. Malay mo it wont happen that way” sabi ng dalaga.

“Ica, isa pa lahat ng napapanaginipan ni Kiko ay nagkakatotoo” sabi ni Ben at napanganga nalang yung dalaga. “OWs? Imposible naman na yan” sabi niya. “Oo totoo, all my dreams that I can remember when I wake up do come true” sabi ni Kiko. “Oh wow, is that why you took up Psychology?” tanong ng dalaga. “Yeah, pero wag mo isipin na nag psychology si Ben dahil nakikiramay sa akin. Kasi lately niya din nalaman to” sabi ng binata.

“Yeah I know Ben’s mom is head of human resources kaya siya ng psychology para instant trabaho. Pero Kiko kakaibang ability yan ha. Wow talaga” bigkas ng dalaga. “So ngayon alam mo na ang pinagdadaanan ko. The mere fact na napatunayan ko na totoo yung babae sa dream ko means that I will really get hurt. That is why I don’t want that to happen. Tulungan niyo ako” makaawa ni Kiko.

Hinawakan ni Jessica ang kamay ni Ben, naawa siya kay Kiko. “The only way I can think of is to break her heart at once” sabi ng dalaga. Napatingin sa kanya yung dalawang binata kaya bigla siya tumawa. “Yep, ganon na nga. Let me talk to one of the girls sa org, she will pretend to be your girlfriend” paliwanag niya. “As if naman may papaya sa make believe, siyempre icoconsider naman nila yung effect sa kanila” sabi ni Ben.

“Hay naku okay lang sa kanya, yup she will agree naman. Basta wag niyo na itanong sino ako na bahala. Don’t worry she wont really fall in love with you” sabi ni Jessica. “Pano mo naman alam?” tanong ni Ben. “Kasi niligawan ako before and she still likes me” landi ni Jessica at napanganga yung mga binata. “Ipapares mo ako sa tibo?” tanong ni Kiko at napahalakhak si Ben. “Ayan babakla bakla ka, bagay pare bakla at tibo” banat ng bestfriend niya.

“Huy, if you see her baka mainlove kayo sa kanya. Pero wag na kayo sumubok at talagang babae lang gusto niya, lalo na ikaw Ben!. She is very pretty, mahinhin gumalaw pero yun nga di lalake ang hanap niya” sabi ni Jessica at lalong nagulat yung mga binata.

“Trust me, pag nakita ni Michelle na magkasama kayo tapos na ang problema mo” pahabol niya.