New Facebook URL

Here is the new Facebook URL of this site

http://www.facebook.com/AJourneyTowardsNowhere

Its much better than the old URL, easier to memorize too just in case you dont have the page bookmarked

Sa Aking Mga Kamay Chapter 13: Ang Panimula

Sa Aking Mga Kamay

by Paul Diaz

Chapter 13: Ang Panimula

Kababalik lang nina Kiko mula sa Baguio, doon sila nagbakasyon ng pamilya para sa sem break. Nasa kama pa siya at napansin niya ang cellphone niya, dala dala niya ito pero di niya binabasa ang mga mensahe mula nagbakasyon. Kinuha niya phone niya at sinimulan basahin ang mga text messages. Karamihan galing kay Ben at Layla at hinahanap siya.

Nalaman niya na nakuha na nila ang grades nila at nakapag enroll na sila para sa second semester. Biglang huminga ng malalim si Kiko at bumangon. Bumaba siya at nadatnan niya ang mga magulang at kapatid na nag aalmusal. “Parang di na ako kasama sa pamilyang ito, di niyo man lang ako tinawag para kumain” drama niya at lahat napatingin sa kanya.

Lumapit si Kiko at nakita ang bacon sa lamesa, “Aha! Kaya naman pala di ako tinawag e” sabi niya at agad naupo. “Dad ano ang korupsyon?” banat ni Frances at natawa si Teresa. Tinuro ng tatay niya ang kuya niya na kinukuha lahat ng bacon sa plato. “Anak ang korupsyon ay pag may mga taong kumukuha ng labis labis at di nagtitira para sa iba” sabi ng tatay niya at sabay nila tinignan si Kiko.

“Little sis, you don’t need bacon, you are growing and you have to be conscious of your figure. Mom and dad you two are aging, bawal ang pork, bawal ang beans, stay healthy kayo ha. Concerned lang ako sa inyo kaya I will make the extreme sacrifice, ako nalang ang sasalo ng cholesterol nitong bacon” banat ni Kiko at nagtawanan ang lahat.

“Inutakan mo nanaman kami, by the way kalian mo kukunin grades mo at kalian ka mag eenrol?” tanong ng nanay niya at bigla siya napanguya ng mabagal. “About that po, I was wondering if you would permit me to enroll at another school?” sabi ni Kiko at nagulat ang mga magulang niya. “Bakit anak? Bagsak ka ba?” tanong ng tatay niya. Tinignan ni Kiko ang nanay niya at nagets agad ni Teresa ang rason. “Yes iho of course” sagot ng nanay niya. “Yes iho of course?” tanong ni Fred bigla at hinawakan ni Teresa ang kamay ng asawa niya. “Ah oh sure, no problem” sabi niya bigla.

Dalawang oras ang lumipas at namasyal si Kiko sa University na lilipatan niya. Medyo nalula siya sa laki nito at napansin ang mga mayayaman na estudyante sa paligid. Naglalakad siya sa campus, di niya alam ang kanyang pupuntahan para mag inquire pero bigla may sumigaw ng pangalan niya. Pag lingon niya may tatlong lalake patakbo papunta sa kanya, napangiti si Kiko pagkat namukaan niya ang dati niyang mga kaklase nung high school.

“Kiko!!! Oh my God!!! Nandito ka!!!” sigaw ng isa. “Oh men madami matutuwa pag nalaman nandito ka. Dali send a mass message to everyone” sabi ng isa. “Sobra naman kayo guys, madami ba kayo dito?” tanong ni Kiko. “Medyo pero pare bakit ka nandito? Lilipat ka na ba dito pare?” tanong nung isa at natuwa naman si Kiko sa pagtanggap nila sa kanya.

Ilang sandali pa at ang daming mga estudyante ang dumating at binati siya. Walang masabi si Kiko kundi mapangiti at lahat pinalibutan siya at inantay ang pagpapatawa niya. “Pare ano lilipat ka na ba dito?” tanong nung isa. “I think so, may nahanap na kasi si Ben e kaya di ko kaya. Kailangan ko na siya iwasan” banat ng binata at sumabog sa tawanan ang lahat.

“Wow pare di parin talaga nagbago ha” sabi ng isa. “Hello! Humaba na ang bird ko” sabi ni Kiko at biglang natahimik ang lahat lalo na yung mga kababaihan. “Bird ito diba?” sabi niya sabay turo sa malilit na balbas sa mukha niya. Muling nagtawanan ang lahat pero di pa tapos si Kiko. “Sorry di ata maganda tignan, nakalimutan ko magpatuli este magshave kaninang umaga” hirit niya at halos magwala na ang lahat at pinagtitignan na sila ng ibang tao sa campus.

“Uy guys balik na tayo sa pila, sama nalang natin siya” sabi ng isang babae. “Ay oo pala pare kasi enrollment namin at unahan kasi sa magagandang schedule e. Nag bog down yung online enrollment namin so back to stone age kami at pipila” paliwanag ng isa. “O sige lang at maglilibot muna ako. Go ahead we can catch up later” sabi ni Kiko. Nagsialisan na ang mga dati niyang kamag aral. Tuwang tuwa ang binata at nakahinga siya ng malalim. Di pa siya naka enroll sa paaralan na ito pero nagugustuhan na niya dito.

“Wow you seem to be famous here” sabi ng isang boses ng babae sa likod niya. Napangiti si Kiko, napakamot sa ulo sabay tumalikod. Nanlaki ang mga mata niya at bigla siyang nanigas, “Hi Kiko” sabi ni Michelle. “Hi din” tanging nabigkas niya at di siya makapaniwala na nakatayo sa harapan niya yung dalaga.

“What are you doing here?” tanong ni Michelle at napalunok si Kiko. “Ah I was just visiting friends” sabi niya at nilakasan ang loob niya. “Hmmm I might transfer here” sabi ng dalaga at agad nadismaya ang binata. “Lilipat ka dito? Bakit?” tanong niya. “Kasi this is where my parents graduated from and my mom wants me to graduate from here too” paliwanag ni Michelle at naipit na si Kiko. “Is that what you really want?” tanong ng binata at napatingin sa kanya ang dalaga.

Habang inaantay ang sagot ay nagdadasal si Kiko na magbago ang isip niya. Siya na nga ang iniiwasan niya, mas malaki ang problema pag pareho pa sila lumipat sa paaralan na ito. “Kasi alam mo Michelle, you should follow your heart. Di pwede na susunod ka nalang sa gusto ng iba. Diba? So what kung dito nag graduate parents mo? E sa ayaw mo nga dito diba?” sabi ni Kiko at napangiti yung dalaga. “Konti pa at maniniwala na ako sa iyo” sagot niya.

“Do what makes you happy. Doon ka masaya e di doon ka. Di naman pwede na kung saan sila masaya doon ka. Di pwede ganon men” sabi ni Kiko at biglang natawa si Michelle. “Tama ka, anyway nakuha mo na grades mo or nakapag enroll ka na ba?” tanong ng dalaga. “Ah di pa nga e, just got back from a vacation kasi” sagot ni Kiko.

“Oh good, tara na dali sabay na tayo” sabi ng dalaga. “Ha?” sabi ni Kiko. “Tara na lets go get our grades at mag enroll na tayo. Di na ako papasok dito. Kaya tara na dali” sabi ni Michelle. “Ah eh sige na go ahead at dito muna ako” sabi ng binata at agad nagsimangot si Michelle. “O sige samahan muna kita dito. Sabay nalang tayo mamaya mag enroll” sabi niya.

“Hindi Michelle ah you can go ahead talaga. Baka matagalan pa ako dito e. Mukhang nagmamadali ka ata” sabi ni Kiko. “Hmmm di naman, I just wanted to finish the enrollment fast kasi I didn’t eat breakfast so I was thinking na we could have lunch after pero okay lang I can wait” paliwanag ng dalaga. Napakamot si Kiko at napatingin sa langit, “Tsk yan ang masama sa inyong mga babae e. Inuuna ang figure kasi kaya nagpapalipas gutom. Hindi maganda magpalipas gutom. Pag oras kumain dapat kumain, wag mag iinarte na diet diet” sermon ni Kiko at napangiti yung dalaga.

“Tara na nga, samahan kita mag enroll” pahabol niya at nagsimula siya maglakad. Agad humabol si Michelle at tumabi sa kanya, agad siya tumingin sa malayo para di makita nung binata ang malaking ngiti sa mukha niya. Paglabas nila ng gate ay nag abang si Kiko ng masasakyan. “Ah Kiko may sasakyan na tayo” sabi ng dalaga. “Nasan? Patingin?” biro ni Kiko sabay silip sa loob ng bag ng dalaga. “Ano dala mo broom?” hirit niya. “Mukha ba akong bruha?” tanong ni Michelle at napatingin sa kanya si Kiko.

“Medyo kasi magulo ang buhok mo” sabi niya at hiyang hiya si Michelle at agad nag ayos ng buhok. “Sorry naman I was rushing and I forgot to comb my hair” sabi niya. Ilang segundo lumipas ay humarap ang dalaga sa kanya, “O ayan” sabi niya. Natulala si Kiko saglit pero huminga ng malalim, “Makakaya kaya tayo ng wings mo?” bigkas niya at napayuko si Michelle at napangiti. “Ngayon angel na?” bulong niya.

Di sumagot si Kiko kaya agad siya tinignan ni Michelle. Nakatitig sa kanya yung binata kaya kinalbit niya ito. “Uy” sabi niya. “Ah ano yon?” tanong ni Kiko. “Sabi mo wings so tanong ko kung mukhang angel na ba?” sabi ng dalaga. “Ah hindi, napkin na” banat ni Kiko at biglang natawa si Michelle at nahampas siya ilang beses.

“O nasan na yung ride natin?” tanong ni Kiko. “Ah before that, sana wag magbago tingin mo sa akin. Di ko naman talaga gusto ganito pero over protective lang parents ko kasi nga only child tapos babae pa” sabi ni Michelle. Di maintindihan ni Kiko kaya napakamot nalang siya. “Oh sure” sabi niya. Agad nilabas ni Michelle ang phone niya at may tinawagan, ilang saglit lang may magarang SUV na itim ang tumigil sa tapat nila.

Lumabas yung driver at lumapit sa dalaga, binuksan niya yung pinto sa likod at medyo nahiya si Michelle. “Manong Lando si Kiko po kaibigan ko. Kiko si manong Lando, driver namin” bulong ng dalaga. Nauna si Michelle sa loob at si Kiko nahiya pa at nginitian nalang yung driver. “Ah kailangan ko pa ba magtanggal ng sapatos?” banat niya at natawa si Lando. “Di na brod” sabi ng matanda at natatawa nalang.

Pagpasok ni Kiko ay nagulat siya pagkat may isang matandang babae na katabi ni Michelle. “Good morning po” bati niya. “Yaya Nelly ito si Kiko. Kiko ito si yaya Nelly ko” pakilala ng dalaga. “Ah yan si Kiko?” sabi ni Nelly at pasimple siyang kinurot ni Michelle. “Hindi po naiwan po ata sa labas si Kiko” biro naman ng binata at nagtawanan sila.

“Palabiro pala si Kiko, akalain mo nga naman. Alam mo bang ito si Michi mahilig tumawa. Miss bungisngis ito e” kwento ni Nelly at nakatingin lang sa kanya yung dalaga at tuloy ang pagkukurot. “Michi pala nickname mo?” tanong ni Kiko at agad siya tinignan ni Michelle at nginitian.

Tahimik sa loob ng sasakyan pero napansin ni Kiko na tinitignan siya ni Lando mula sa rear view mirror. Pati ang yaya ni Michelle lagi siya tinitignan kaya medyo naiilang siya. “Michi, half half ba si mang Lando?” bulong ni Kiko at biglang natawa ang dalaga. “Loko hindi ha, bakit mo naman nasabi?” sagot niya. “Kasi kanina pa niya ako tinitignan sa mirror e” sabi ni Kiko.

“Tapos yaya mo lumalandi ata at kanina pa din niya ako tinitignan. Nagpapacute ata sa akin” pahabol niya at sumabog sa tawa si Michelle. “Wag niyo naman po daw siya titigan masyado at naiilang siya” sabi ng dalaga at tuloy ang tawa niya. “Naku Kiko pasensya ka na ha at ngayon lang namin makikita na may kasamang lalake itong si Michi” sabi ni yaya Nelly. “Bakit po babae din tatay niya?” banat ni Kiko at muli sila nagtawanan pati si Mang Lando nakikinig pala sa harapan.

Nakarating sila sa school, “Mang Lando no need I can open the door. Salamat po sa ride. Sige po yaya Nelly” paalam ni Kiko at agad siya bumaba ng kotse. Susunod na sana si Michelle pero hinawakan ng yaya niya ang kamay niya. “Uy ha, okay pala siya” landi niya. Napatili si Michelle pero kinalma sarili niya bago bumaba. “Oy Kiko alagaan mo si Michi ha” sabi ni yaya Nelly. “Sige po yaya, mag day off ka muna. Ako muna yaya niya” pasikat naman ng binata.

Pagpasok nila sa gate biglang sumigaw yung gwardya. “Big Bird wins!!!” sabi niya at biglang natawa si Kiko. “Ano daw?” tanong ni Michelle at tinakpan nalang ng binata ang noo niya. “Wala yon, nasisiraan lang ng bait yang guard. Too much Sesame Street” paliwanag niya. “Nandito kaya sina Layla?” tanong ng dalaga. “Ewan ko pero balita ko tapos na sila mag enroll e” sabi ni Kiko. “Ano kaya kinuha niyang schedule?” hirit ni Michelle. “Tawagan mo para pareho kayo” sabi lang ni Kiko pero napaisip yung dalaga at napangiti. “Wag na, tara” sabi niya.

Una nilang pinuntahan ay ang dean’s office. Kinuha ni Michelle ang grades niya at nakita ni Kiko na masayang masaya ang dalaga. “Bagsak lahat?” tanong niya at nagulat si Michelle. “Masaya ba ako pag bagsak lahat?” sagot niya. “Reverse psychology yon para maiba naman. Syempre kaakibat ng saya at ngiti ay good news lagi so para maiba e di ikonek sa bad news” paliwanag ng binata at natawa si Michelle. “Ikaw talaga kakaiba ka, anyway next enrollment. Mabilis lang to tapos samahan naman kita” sabi ng dalaga.

“Ah wag na. Wala pa ako balak mag enroll today” palusot ni Kiko. “At bakit naman?” tanong ng dalaga. “Basta di ko pa feel e” sabi ng binata. “Hmmm Kiko pag may problema maybe I can help” sabi ni Michelle. “Problema? Like what?” tanong ng binata. “You know, I can lend you money then you can pay me later” sabi ng dalaga.

“Ah may pera ako no” sabi ni Kiko. “Ay sorry, e bakit ayaw mo pa mag enroll?” hirit ni Michelle. “Superstitious ako e, at sabi ng horoscope ko not a good day for enrollment” sabi niya. Tumaas ang kilay ng dalaga at nagsimangot. “Nag iinarte ka lang tara na nga” sabi niya.

Wala pang bente minutos natapos si Michelle, lumabas na sila ng building at si Kiko naglalakad na patungo sa main gate. “Kiko where are you going?” tanong ng dalaga. “Out, diba hungry ka na” sabi niya. “I said after we finished enrolling. Tapos na ako pero ikaw hindi pa so lets go get your grades” sabi ni Michelle. “Ah next time nalang ako mag enroll” sabi ni Kiko.

Tumayo sa harap niya si Michelle, nakataas ang kilay at nakasimangot. “Will you give me one good reason bakit ayaw mo pa mag enroll today” sabi ng dalaga at talagang tinitigan siya ng matalim. Ipit na ipit si Kiko, hindi siya makasalita at hindi niya kaya titigan sa mata ang magandang dalaga sa harap niya. “Oh sorry maybe I am asserting myself ang being bossy e di pa naman tayo ganon magkakilala and maybe you don’t consider me as your friend yet” biglang drama ni Michelle.

Napapapikit si Kiko at napailing, tumalikod yung dalaga at nagsimula nang maglakad palayo. “Salamat sa pagsama sa akin” bigkas niya. “Michi wait” sabi ni Kiko at hinabol ang dalaga. Tumigil yung dalaga at hinarap siya, huminga ng malalim si Kiko at napaisip ng malalim. “Ano yon?” tanong ni Michelle. Plano ni Kiko mag enroll sa ibang paaralan para maiwasan itong dalaga sa harapan niya, napaglaruan nanaman siya ng tadhana at nagbago na ang lahat. “Okay samahan mo na ako” sabi niya.

Nagtungo yung dalawa sa Psychology building, sa main lobby agad pumunta si Kiko sa counter para makuha ang mga grado niya. Tumayo sa tabi niya si Michelle at napansin ng dalaga na naiilang siya. “Ah siguro kaya ayaw mo ako kasama kasi sa grades mo. Kiko sorry about last time nung napagalitan kita about studying ha. I am not going to judge you, di ako ganon” sabi ng dalaga at napangiti nalang si Kiko sa kanya.

Inabot ni Kiko ang ID niya sa bantay sa counter. Agad nainput ang ID number niya at may nagprint na papel sa makina. Tinignan nung bantay ang mga grado sa papel sabay tinitigan ilang beses si Kiko kaya napayuko yung binata. “Uy its okay” bulong ni Michelle. Inabot na nung bantay ang papel, kinuha agad ni Kiko at di pa nababasa ay tiniklop ito agad.

“Arent you going to look at them?” tanong ni Michelle. “Ah di na, alam ko na grades ko kasi ramdam ko sila” sabi ni Kiko pero siya lang ang tumawa. Tumaas muli ang kilay ni Michelle, agad siya tumalikod at niyuko ang ulo. “Fine, I told you di naman kita huhusgahan Kiko e. Siguro you still don’t trust me. Don’t worry I can wait for that day na may tiwala ka na sa akin” drama niya ulit.

Humawak si Kiko sa buhok niya at hinila, tumalikod din siya at pinagsusuntok ang hangin sabay pinagtuturo langit tapos tahimik na nagsisigaw. Sinapak niya sarili niyang mukha at nasaktan siya kaya hinaplos niya ulo niya sabay tinabihan yung dalaga. Huminga siya ng malalim at inabot ang nakatiklop na papel. Napangiti si Michelle at agad kinuha yung papel at binuklat. Bigla siya napanganga at palipat lipat ang titig sa papel at kay Kiko.

“Ha? Is this for real?” bigkas niya at nahiya si Kiko. “Look who is walang tiwala now?” banat niya at halos napatalon si Michelle at di makapaniwala. “Di nga? Totoo ba to o ito yung pekeng copy na ipapakita mo sa parents mo?” hirit ng dalaga. Huminga ng malalim si Kiko at kinuha ang papel, “Tara na enroll na ako”sabi niya. “Wait, akala ko ba di ka nag aaral?” sabi ni Michelle at napakamot ang binata. “Sino ang walang tiwala?” hirit ni Kiko at natahimik si Michelle pero di mapigilan ang ngiti.

Naglakad sila paakyat sa second floor pero bigla niya binangga si Kiko. “Wow genius” landi niya at natawa yung binata. “Alam ko you heard from Layla siguro na di ako palaaral. Tapos loko loko ako nung highschool, yeah that’s all true hanggang ngayon naman ata e. To be honest fast learner ako e di sa pagmamayabang. Di ko alam bakit pero parang may photographic memory utak ko and I comprehend things faster. They don’t see me often studying kasi I do it at home. Doon naman dapat nagrereview e, sa paaralan doon ka matuto pero sa bahay ka mag review. Sa school I do listen naman unless alam ko na yung sinasabi ng teacher kasi nabasa ko na. Doon ako nagloloko talaga at aminado ako. Ayaw ko naman magmayabang pero that is one of the reasons why I wanted to take up psychology”

“Gusto ko alamin bakit ganito takbo ng utak ko. I could have been a valedictorian if I wanted to pero what for diba? Para mabilib sa akin ang iba? Para ano? Lalo lang magkaka pressure, the more I will lose myself kasi may kailangan ako imaintain. I do study naman so tama na yon, the rest of my time gusto ko ng social life. Kaya sorry pag di mo na ako nakita nag review the last three days of the exam, I did study at home, at yung extra time ko ginugol ko nalang sa ibang bagay na gusto ko gawin…gustong gusto gawin” sabi ni Kiko sabay titig sa dalaga. Muli siya binangga ni Michelle at tuloy ang panunukso sa kanya. “Naks genius katabi ko” sabi niya. “May tiwala ako sa iyo at ikaw lang makakaalam nito. So since I trust you I expect you to keep this secret” sabi ng binata at napatigil si Michelle.

“Unang secret natin?” sabi ng dalaga sabay ngiti. “Yeah our first secret” sabi ni Kiko. “Okaaaay” landi niya sabay napatili. Umabot sila sa may posting ng mga schedule, agad tumingala si Kiko at namili. “Hmmm second year block right? Hmmm ito o maganda tong sched na to…ay pangit pala. Wait wait” sabi ng dalaga at pati siya nakikipili.

May nalista na si Kiko, dinungaw ni Michelle ang listahan niya at biglang inagaw. “No no no mas madanda tong nakita ko dito” sabi niya at napakamot nalang si Kiko. Hindi na namili yung binata, pinanood nalang niya si Michelle na mamili para sa kanya. “Ayan!” sabi ng dalaga at kunwari nalang ngumiti si Kiko. Dumaan sila sa registrar at lumipas ang ilang minuto ay natapos narin siya.

Lumabas na sila ng University at nagtungo sa mall. Habang naglalakad ay pinagmamasdan ni Kiko ang mga schedule nila at napansin niya na pareho ang lahat ng break nila, pagpasok at pati dismissal. Muli niyang pinikit ang kanyang mata at napatingin sa taas. “Why me Lord?” bigkas niya. “What did you say?” tanong ni Michelle bigla.

“Ah why me Lord. Kasi prof ko ulit yung terror” palusot ng binata. “Sus, ikaw pa. Anyway where do you want to eat? Treat ko” sabi ng dalaga. “Sure basta magpakalalake ka at magpakababae ako” sabi ni Kiko. “Bakit naman?” tanong ni Michelle. “Ewan ko kung saan planeta ka pinalaki ha. Pero sa planetang kinalakihan ko lalake ang nanlilibre and not the other way around. Saka lang manlilibre yung babae pag birthday niya o may party sa kanila. Kung hindi niya birthday o walang okasyon wala siyang karapatan manlibre, yung lalake dapat” paliwanag ni Kiko.

Natawa si Michelle at nagtakip ng bibig. “Kiko, planeta ng magsyota ata yung sinasabi mo e” sabi ng dalaga at natameme siya. Nautal yung binata at di makasagot, muli siya binangga ni Michelle at ngumiti. “Sa planeta ng magkaibigan, kahit sino pwede manlibre. Babae man o lalake” nilinaw ng dalaga at lalong di nakapagsalita si Kiko.

Pumasok sila sa isang restaurant at pagkaupo ay niyuko ni Kiko ang ulo niya. “Sige na mamili ka na, its my treat” sabi ni Michelle. “Sige ikaw nalang ang kumain. Labag talaga sa banal na kasulatan namin na babae ang nanlilibre kahit anong planeta pa siya galing e” sabi ni Kiko at muling natawa yung dalaga. “Hay Kiko, pag ikaw manlilibre kakain ka?” tanong ng dalaga. “Kasi ganon ang nakasanayan ko na at yon ang itinuro ng aking mga ninuno” banat ni Kiko at lalong napabungisngis si Michelle.

“Okay ikaw na pero wala tayo sa planeta ng magsyota diba?” sabi ng dalaga. “Michi, hello! Planet earth kaya ito. Diba tinuro ng teacher mo nung elementary?” banat ni Kiko sabay kinuha ang menu at tinignan. Hindi nainsulto si Michelle, agad niya kinuha din yung isang menu at nagtago pagkat lalo siya kinilig.

“Ah bakit wala ako maintindihan dito? French restaurant ba tong napasok natin?” tanong ni Kiko. “No, iba ba menu mo? English naman dito?” sabi ng dalaga. “Ah kaya naman pala baliktad pala tong menu e. Sorry” sabi ni Kiko at sumabog sa katatawa ang dalaga. “Hello mam, sir, may I take your order?” sabi ng isang waitress at nanlaki ang mata ni Kiko.

“Take our order? No way! You bring us our order don’t take it away. How will we eat it if you take it?” sabi niya at nagpigil ng tawa yung waitress pero si Michelle lalo lang niya tinago mukha niya sa menu. “Uy biro lang ha” bawi ni Kiko. “Okay lang sir” sagot ng waitress. “Mukhang masyado maliit yang paglilistahan mo. Dapat ata cartolina ang dala mo miss kasi may katakawan kami e. Matagal na kami di kumain kasi deprived kami ng matagal sa food” hirit ni Kiko at di na napigilan ng waitress ang matawa. “Excuse me sir” sabi niya at agad tumakbo palayo para lang tumawa.

Nakapikit si Michelle, pinipigilan ang pagtawa niya pero pagmulat niya ng mata niya nakita niya si Kiko binubuklat ang isang long bond paper. “Pwede na siguro dito no?” tanong niya at tuluyan nang bumigay ang dalaga at pinagpupukpok niya si Kiko ng menu. “Ang sakit na ng tiyan ko katatawa Kiko!” sabi niya.

Bumalik yung waitress at kalmado na siya. Nagseryoso na si Kiko at si Michelle kalmado narin. “Okay, liitan mo nalang talaga ang sulat mo dapat ha para magkasya lahat ng order” banat ni Kiko at muling natawa yung waitress at si Michelle. Ang tagal bago nakuha ang order nung dalawa at di pa nakakakin ay mukhang pagod na sa katatawa yung dalaga.

“Grabe ka, this is probably the best day in my life. I have been laughing since nine in the morning up to now” sabi ni Michelle. “E di isagad na natin hanggang sa paghatid ko sa iyo” sabi ni Kiko at napakapit sa lamesa ang dalaga at napatingin sa malayo. “Ha? Ihahatid mo ako?” tanong niya. “Ang bastos ko naman kung hindi. Sabi ng yaya mo alagaan kita tapos hahayaan nalang kita uuwi mag isa? P.I.K. I don’t break promises” sabi ng binata.

“PIK?” tanong ni Michelle. “PIK tagalong ng FYI, meaning Para sa Iyong Kaalaman. Siyempre di nakailangan isama yung S kasi pang ugnay lang siya or whatever it is called” paliwang ni Kiko at lalo napahanga sa kanya si Michelle. Habang inaantay ang pagkain bigla nalang sila natahimik, pasulyap sulyap sa isat isa pero walang nagsasalita.

“By the way Michelle there is something I don’t like about you” sabi bigla ni Kiko at nagulat yung dalaga. “Ha? Ano yon?” tanong niya at talagang kinakabahan siya. Huminga ng malalim si Kiko at tinitigan siya, “Kanina sa school remember? When I didn’t want to enroll then when I didn’t want to show my grades” sabi niya. “Oh what about it?” tanong ng dalaga.

“Pwede ba pag ganon na argument idaan mo sa logic at reasoning para makalaban naman ako o makadebate. Kasi pag idadaan mo tulad kanina di ko kaya lumaban. Lagi ako matatalo sa iyo” sabi ni Kiko sabay niyuko niya ulo niya. Muling napahawak si Michelle sa lamesa at masakit na ang mga pisngi niya sa pag ngiti. Mabilis ang tibok ng puso niya at mga mata niya nakatitig lang sa binata na kaharap niya.

“Okay Kiko” sagot ng dalaga at napatingin ang binata sa kanya at sabay sila napangiti.

Di na mapigilan ni Kiko ang tadhana, alam niya na sa araw na ito magsisimula ang lahat.


(Ito po yung pagsimula ng ikalawang yugto ng kwento. Hanggang dito nalang talaga ako. Another long vacation awaits me, be back on June with Salamangka re-invented...oh yes lots of things are changing as you may have noticed with the appearance of the blog hahahaha. Kasi the old logo will go to the W-blog. Anyway see you all on June.........ooops i reverted the blog back to its old state. I have new plans for the new logo ahahah maganda daw kasi so don nalang siya sa bago pala)

Sa Aking Mga Kamay Chapter 12: Pag Wakas

Sa Aking Mga Kamay

by Paul Diaz

Chapter 12: Pag Wakas

Final exams na nila, maaga pumasok si Ben at Jessica at naglilibot sila sa campus hinahanap si Kiko. Sa likod ng Psychology building may isang maliit na hardin, may isang bangko doon at doon nila nakita nakahiga ang kaibigan nila. “Kiko bakit mo kami iniwan?” sabi ni Ben sabay todo acting sa pag iyak. “Good morning Ben and Jessica” bati ng binata at nagulat yung dalawa.

Bumangon si Kiko at pinaupo ang mga kaibigan niya. “Pare ano nakain mo? Parang kakaiba ka ngayon?” tanong ni Ben. “Is there something wrong Kiko?” tanong din ni Jessica. “Okay lang naman ako, medyo starting to miss you guys already” sagot ng binata. “Oh no, don’t tell me naman na itutuloy mo plano mo lumipat school” sabi ng dalaga at napayuko ang ulo ni Ben. “Ilang weeks na kasama siya palagi, lagi ako naiipit at di makaiwas” drama ng binata.

“Pero okay lang naman kasi di mo naman kinakausap lagi e. Inaagaw naman namin lagi ang atensyon mo diba pare?” sabi ni Ben at napangiti si Kiko. “Oo nga pare e, salamat sa inyong dalawa at tinutulungan niyo ako. Pero alangan na lagi nalang ganon diba? You two have your own lives, imbes na mag focus kayo sa isat isa, para akong anak niyo na inaalagaan pa” sabi ng binata.

Inakbayan ni Ben si Kiko sabay tinignan. “Pare naman. Okay lang sa amin ni Ica yon. We are here for you pare” sabi niya. “Here for me tapos nagrereklamo ka na wala na kayong quality time ni Ica” sabi ni Kiko sabay ngisi. Nanlaki ang mga mata ng kaibigan niya sabay tinignan si Jessica. “Oy wala akong sinabing ganon ha, nag iimbento siya” sabi ni Ben.

“Tapos lagi ka nagrereklamo na di pa kayo nakapagkiss” hirit ni Kiko. “Hello! We already did!” sigaw ni Ben sabay binatukan siya ni Ica. Biglang tumawa si Kiko at tinuro yung dalawa. “Huli kayo sa bitag ko! Mwahahahahahahaha!!! Uy nag kiss na sila, kayo na ba? Uy Uy Uy! Aminin niyo na” landi ni Kiko at nagtinginan yung dalawa. Hinawakan ni Ben ang kamay ni Jessica at sabay sila ngumiti. “Sinagot na niya ako pare” masayang sabi ni Ben.

“CONGRATULATIONS!!!!” biglang sigaw ni Kiko at biglang nagsasayaw. “Teka nga, you mean to say ginugudtaym mo lang kami kanina sa drama mo?” tanong ni Jessica. “Hay naku masanay ka na diyan. May pagka aning aning talaga yan e” sabi ni Ben. Habang patuloy ang pang aasar ni Kiko sa dalawa, nakita ni Jessica na may dalawang babae na sumilip sa isang gilid. “Sina Layla at Michelle o” sabi niya.

Tinignan siya ni Kiko at napangiti, nilapit niya ang mukha niya sa dalaga at ngumisi. “Malamang tinuro ni Ben yang style na yan ano? Mwahahahaha sorry ha di tumalab e” bigkas niya at natawa lang yung dalawa. “Di tumalab ang alin?” tanong ni Layla at biglang nanigas si Kiko at si Ica naman ang napangisi sa kanya. “Ben sabihin mo kay Ica na halikan ako dali. Para magselos siya” bulong ni Kiko pero tinapik ng kaibigan niya ang noo niya.

“Ganda pala ng tambayan niyo ha. Dito ba kayo lagi?” tanong ni Michelle. Tumayo ng tuwid si Kiko at masama ang tingin sa dalawang kaibigan niyang nakaupo. “Si Kiko ang nakahanap dito” sabi ni Ben. “So dito ka lagi nagtatago Kiko?” tanong ni Layla at humarap na yung binata sa kanila. Huminga siya ng malalim at niyuko ang ulo, “Hala, hoy ano problema mo?” tanong ni Layla.

“I just found out na magsyota na si Ben at Jessica” bigkas niya. “Wow! Uy kayo ha. Congrats!” sabi ni Michelle. “Hay naku Kiko ano nanaman yang gimik mo? Sige na sabihin mo na yung punch line” sabi ni Layla. Tinignan siya ng masama ni Kiko sabay nagdabog. “Cant you see Layla, si Ben at Jessica na” sabi niya. “Oh so whats wrong with that?” tanong ng dalaga. “That means lalake si Ben!” sigaw ni Kiko at lahat napatingin sa kanya. “Lalake naman talaga ako pare ha” sabi ng kaibigan niya.

“Kaya nga! E naging tayo e so that means pag ikaw yung boy…e di ako pala yung girlash!” paliwanag ni Kiko. Lahat nakatingin sa kanyang ng seryoso, ilang saglit pa ay sumabog sa katatawa ang lahat maliban kay Michelle. “Wag naman sana” sabi niya at napatigil ang lahat at napatingin sa kanya. Tumingin sa malayo si Michelle, si Ben at Ica biglang tingin kay Kiko at pasimple siyang tinutukso.

“Tse! Wag na wag mo ako kakausapin babae ka! Inagaw mo si Ben sa akin kaya from this day onwards we are enemies” sigaw ni Kiko sabay inirapan si Jessica. Natawa muli ang lahat lalo na nung tumalikod yung binata sabay pakembot kembot na naglakad palayo. Tumigil siya at muling nilingon si Ica at tinaas ang kilay niya. “Nasa akin ang huling halakhak, at tandaan mo ako ang first kiss ni Ben” banat niya. Halos magpagulong gulong na sa tawa ang lahat pagkat kinarir ni Kiko ang pagiging babae.

“Kiko tama na! Please mag aral nalang tayo” makaawa ni Layla na hinihimas ang likod ni Michelle na nahihirapan nang huminga dahil sa pagtawa. Nanahimik si Kiko at lumapit kay Jessica. “Uy biro lang ha” sabi niya. Napangiti yung dalaga at medyo natawa pa, “Oo no alam ko naman joke lang e” sabi niya. “Tse! Walang joke joke” banat ni Kiko sabay inirapan muli si Ica. “Kiko!!!” sigaw ni Layla pagkat halos mamatay na ang lahat sa muling pagtawa.

Naupo si Kiko sa isang tabi at nanahimik. Naglabas na ng mga notebook at libro sina Ben at Jessica, si Layla at Michelle nakitabi na sa bangko. Pinikit ni Kiko ang kanyang mga mata at nanginginig, muling natawa si Michelle at tinuro yung binata. “Hay naku Kiko ano nanaman yan?” tanong ni Layla. “Nanahimik na nga ako e! Pinipigilan ko na sarili ko sa pagpapatawa e” sagot ng binata at lalo niya pinikit ang mga mata niya at kunwari nangingisay na.

Sumabog nanaman sa tawa si Michelle, tinakpan ni Layla ang mga mata niya at pinakalma. “Wag mo na kasi titignan yan, ganyan talaga yan e. Pag pinansin mo pagpapatawa niya lalo lang gragrabe yan” sabi niya. Huminga ng malalim si Michelle at di na tinignan si Kiko. Nakita niya na busy na sa pagrereview sina Ben at Ica kaya pati siya naglabas na ng notebook.

Ilang minuto lumipas napatingin si Jessica kay Kiko, agad niya tinapik si Ben at pasimpleng tinuro yung binata. Nakita nila si Kiko na parang estatwang nakatitig lang kay Michelle. Napangiti silang dalawa pero napansin sila ng binata. Pasimpleng tumingin sa malayo si Kiko, nilabas ang notebook sa bag niya at nagbasa narin. Ilang segundo palang ang lumipas ay muli niyang tinignan si Michelle at nagkataon na nakatingin din sa kanya yung dalaga. Napangiti yung dalawa sa isat isa at sabay pang nilayo agad ang tititg nila.

Apat na araw yung exam kaya apat na araw din sila nakatambay na lima doon sa garden tuwing umaga. Sa huling araw ng exam ay di na matiis ni Michelle, “Kiko, nakita lang kita nagbuklat ng notebook nung Monday. The last three days hindi na” sabi niya. Nagtinginan sina Layla, Jessica at Ben at nagtakip ng kanilang mga bibig habang nagbubungisngis.

“Nag aral na kasi ako” sagot ng binata. “Are you sure? Kasi Kiko pag di ka nag aaral malaking chance na babagsak ka” sabi ng dalaga. “Wow ano yan? Concern ba yan?” biglang banat ni Ben. Napasimangot si Kiko sa kanya pero si Michelle pagalit na tinignan ang binata. “Of course. And you should be concerned too” sabat niya. Napangisi si Kiko at dinilatan ang bestfriend niya pero agad nag lonely mode nang lingunin siya ni Michelle.

“Sure ka Kiko nag aral ka?” malambing na tanong ng dalaga. Di maintindihan ni Kiko ang nararamdaman niya, wala siyang magawa kundi mapangiti. “Oo nag aral ako” sagot niya. “Hoy Kiko sigurado ka ba nag aral ka?” biglang tanong ni Layla. “Parang wala kayong tiwala ata sa akin e” sagot niya. “Sus ikaw pa, classmate since kinder at alam di pa kita nakita nag aral ever. Ewan ko lang kung totoo yung sinabi mo last time na pupunta ka library para mag aral” sabi ng dalaga.

“Benditaaa diba katabi naman kita mamaya at di mo naman ako papabayaan diba?” biglang banat ni Kiko. Si Ben, Layla, Jessica lang ang natawa pero si Michelle seryosong nakatitig sa kanya. “Kiko its not a good time to joke” sabi niya. Gulat na gulat yung tatlo, palipat lipat ang titig nila kay Kiko at sa dalaga.

“Sorry” bigkas ng binata at lalo pang nagulat yung tatlo at di makapaniwala sa nangyayari. Ngayon lang nila nakitang natalo si Kiko nang ganon nalang kaya bilib na bilib sila kay Michelle. “Did you really study?” hirit ng dalaga. “I did” sagot ng binata. Napasimangot si Michelle kaya biglang tumayo si Layla. “Ah sis time na ata we should go” sabi niya. Nagpaalam na yung dalawa, si Kiko nanatiling nakaupo sa damo at nakayuko ang ulo. Nauna si Layla pero si Michelle dumaan kay Kiko at tinapik ang balikat niya. “Good luck ha” bulong niya. Napatingin si Kiko sa kanya at muli niyang nakita ang matamis na ngiti ng dalaga. “Same to you” sagot niya.

Agad tumayo si Ben at tinignan kung nakalayo na yung dalawa. Agad siya nagsisitalon at pinagbobomba ang kamay niya sa ere. “O! M! G! Oh my God! Sa wakas the great and mighty Kiko has fallen!” sigaw niya at talagang tuwang tuwa siya. Si Kiko lalo lang niyuko ang ulo niya at napakamot. “Anong has fallen ka dyan?” tanong ni Jessica.

“Hindi mo ba nakita yon? Natameme si Kiko for the first time. Grabe markahan ang araw na ito sa kalendaryo. Oh my God talaga!” sabi ni Ben. “Explain mo nga” hirit ni Ica. “Kasi yang si Kiko walang sinasanto yan. Laging may pambara yan o patawa. Lagi siya may pambaliktad sa isang pangyayari na dinadaan niya sa kanyang patawa. In short pag nagigipit yan at nacocorner magpapatawa yan para makalihis. Pero kanina wow men sapol ka don pare ano?” paliwanag ni Ben na talagang tuwang tuwa.

Di parin magets ni Jessica kaya umupo si Ben sa tabi niya. “Look, diba ilang beses mo na nakita na nagalit ako sa kanya? Pero what does he do? Magpapatawa siya tapos wala na yung galit o yung usapan bakit ako nagalit. You also have seen Layla scold him many times pero ano ginagawa niya? Diba nagpapatawa?” sabi ni Ben at napangiti si Ica. “Oo nga tapos mababangka na niya yung usapan agad” dagdag ng dalaga. “Exactly! Yan ang style ni Kiko na wala pang nakakadaig up to now. Bwahahahahahaha ano ka ngayon boy?” tukso ni Ben.

Kinurot ni Jessica si Ben at tinuro si Kiko, napansin nila na talagang malungkot yung binata. Tumabi si Ben sa bestfriend niya at siniko, si Jessica naman naupo sa kabila para mapag gitnaan nila siya. “Talo ka pare” bulong ni Ben. “Oo nga e” sagot ni Kiko. Huminga ng malalim yung binata at napatingin sa langit. “I have never felt so weak in my whole life. I cant believe it” bigkas niya.

“Hmmm bakit nga ba?” tanong ni Jessica at natawa si Kiko. “Ewan ko ba. Kakaiba talaga e. Bigla nalang ako nautal ng todo for the first time in my life. Para akong naubusan ng patawa at excuses” sagot ng binata. “Well she was just concerned naman e. At tama naman siya Kiko e. Nag aral ka ba talaga?” tanong ni Ica. “I really did” sagot ng binata.

“Ows? Totoo ka pare?” tanong ni Ben. “Oo pare, simula Monday night I studied hard. Tuesday night and even last night” sabi ni Kiko. “Wow ha, ano nakain mo pare?” tanong ng bestfriend niya. “Kasi pare ayaw ko mag aral dito e” sagot ni Kiko.

“Weird ka, bakit bawal ba mag aral dito?” tanong ni Jessica. “No, ayaw ko mag aral dito. Gusto ko lang titigan siya habang nag aaral siya. Kaya nag aaral na ako maigi sa gabi para pag nakita ko siya the next morning all I have to do is watch her” paliwanag ni Kiko at napanganga yung dalawang kaibigan niya.

“What the hell did you say pare?” tanong ni Ben at napangiti si Kiko at huminga ng malalim. “You heard me right pare. Her smile…kakaiba e. Kahit di ko hinihingi ngingitian niya ako. Demet tuloy hinahanap hanap ko na lagi. In my dream she wasn’t smiling, when I met her she was. Tuwing napapatawa ko siya lagi ko nakikita ngiti niya kaya ewan ko ba gusto ko siya lagi patawanin” sabi ni Kiko.

“Oh my God pare what are you trying to say?” tanong ng bestfriend niya at niyuko muli ni Kiko ang ulo niya. “What I am trying to say pare is that I really have to transfer to another school next sem. Na yung pagpapatawa ko sa kanya kanina was the last one. And when she smiled at me a while ago, last na yon talaga” sagot ng binata.

“Are you serious? Alam mo it does not have to be that way naman e” sabi ni Jessica. “It has to be. Di pa ba obvious sa inyo? Alam ko naman halata niyo na and I wont deny it. Oo kinakain ko na yung mga dati kong nasabi. The moment I saw her, I knew that my dream would definitely happen. Naging komplidado ang lahat so I knew di ko siya maiiwasan”

“I built a barrier around my heart so that there would be no chance in hell that I would fall for her. Para maiwasan ko maranasan yung sakit” sabi ni Kiko. “Ang nakatakda ay magaganap at magaganap” biglang entrada ni Ben. “Korek, I have tried my best to evade the hands of fate but it seems that pinapagod ko lang sarili ko. In the end I have to give in and here I am about to give in”

“Tuwing ngingiti siya nabibiyak yung barrier e! Nakakatawa nga e, I am not preventing form love to happen. I am preventing the pain na idudulot ng love na yon. Half of the barrier is down and yes to be honest I am starting to like her. Dapat masaya ako diba? Pero hindi e. Mas nangingibabaw yung sakit e” litany ng binata.

“Kiko, laging kasama ng love ang pain” sabi ni Jessica. “Oo nga e. Sabi ng mommy ko kaya daw ako labis na nasaktan sa dream ko kasi labis ko din siya minahal. Ganon ata ang buhay e. Kung gaano kataas ng intensity ng pagmahal mo sa isang tao, ganon din ang intensity ng sakit ang nag aantay sa iyo in case na malihis ang landas ng pag ibig niyo. And trust me up to now I always keep crying when I have that dream. Ang hirap huminga at napakasakit. Ayaw ko magkatotoo yun e” sabi ni Kiko.

Nalungkot narin sina Jessica at Ben, di nila alam ang tamang sasabihin nila sa kaibigan nila. “Pare, magkokonek the dots lang ako ha. Wag ka sana magalit. Pero sabi mo ang nakatakda magaganap talaga. So kung nakatakda na magaganap ang break up niyo…pare konek the dots lang ako ha, that means magiging kayo. So yung pagiging kayo nakatakda din yon. So whatever you do pare that means magiging kayo talaga e” sabi ni Ben.

“I think Ben is right Kiko. Listen, kahit na lumipat ka ng school, e you cannot escape the many hands of fate. Pwede kayo magkita sa mall. O kaya mamasyal siya sa house ni Layla. Worst case scenario na kung lilipat din siya bigla kasi I heard that her mom does not like her being in this school daw at guess what? Yung lilipatan mo na school, doon ang gusto ng mom niya” sabi ni Jessica.

“How do you know what school ako lilipat?” tanong ni Kiko. “Oh come on Kiko, face the facts. Aside from this school ano pa nga ba ang magandang University out there na maganda ang Psychology course nila?” sagot ng dalaga at humawak si Kiko sa buhok niya at huminga ng malalim. Tumingin siya sa langit at natawa bigla, “Hoy fate, di ko akalain pati tong dalawa kakampi mo na ha” biglang sabi niya at nagtawanan sila bigla.

“Di naman sag anon Kiko, kakampi mo parin kami” sabi ni Ben. “I was just kidding. Well I really need you two to keep this secret then. No one must know na lilipat ako” sabi niya. “Malalaman din ng lahat Kiko no” sabi ni Ben. “Oo pare malalaman ng lahat pero by that time nag start na yung second sem. So this means this will be the last time na makikita niyo na ako dito. Ako na bahala gumawa ng palusot bakit wala ako sa sem break. Just promise me to keep our secret” sabi ng binata.

“Talagang desidido ka na pare?” tanong ni Ben at biglang natawa ang bestfriend niya. “Pare ano ka ba di pa ako mamatay no” sabi ni Kiko at natawa si Jessica. “Mamimiss ka niyang sigurado” sabi ng dalaga. “Hello! Pwede naman magkita ng dismissal or weekends. And you two should focus on keeping your relationship alive or even stronger. Ikaw Ica mas maging assertive ka kay Ben, matigas ulo niyan e. Ikaw Ben alagaan mo maigi si Ica” payo ni Kiko.

Hinampas ni Ben ang braso ng kaibigan niya at biglang tumayo. “Loko ka! Nagpapayo ka na parang mamatay ka na e!” sigaw niya at nagtawanan silang tatlo. “Ikaw kasi ang drama drama mo porke lilipat ako ng school. Di ako ang saklay mo no!” sabat ni Kiko.

“Saklay?” sabay na tanong nung dalawa. “Lahat tayong mga tao pilay. Sa buhay natin makakahanap tayo ng mga relationship na di magtatagal, sila yung mga saklay natin. Temporary relief ika nga to walk straight. Pero sa totoo di naman talaga saklay ang hanap natin e. Di nagagamot ang pagkapilay nating mga tao. What we must look for is that other crippled person who would walk with us along the same path for the rest of our lives. We may not walk straight but as long as we are together it really wont matter anymore as long as we are headed for one direction”

“I hope you two ay wag maging saklay lang sa isat isa. Wag kayo mapagaya sa akin. Di pa nga nangyayari alam ko nang saklay lang si Michelle. Pilay na kung pilay pero ayaw ko siyang maging saklay ko, gusto ko siya din yung isang pilay na makakasama ko” drama ni Kiko.

“Pare may wheelchair naman” banat ni Ben at bigla siya binatukan ni Ica. “Di mo ba nagets?” tanong ng dalaga sabay punas sa luha sa mata niya. “Not literal na pilay! Pilay meaning lahat tayo may pagkukulang kaya kahit pilitin natin maglakad ng diretso di pwede. No one can walk straight kasi no one is perfect” galit ni Ica.

“Yeah I know nagpapatawa lang ako. Tulad natin Ica, we can rely on each other so we can walk straight” sabi ni Ben. “At kahit na iika ika parin kayo pare basta ang mahalaga ay magkasama kayo til the end” dagdag ni Kiko. “Bwisit ka naman pare e! Pinapaiyak mo kami ni Ica!’ sigaw ni Ben at tumayo agad si Kiko at nginitian yung dalawa.

“Wag kayo magpapakasklay” sabi niya sabay naglakad paalis. Hinahawak ni Ica ang kamay ni Ben at agad yumakap yung binata sa kanya. “Napaka deep naman pala ni Kiko e” bulong ng dalaga. “Oo nga e pero naawa talaga ako sa kanya” sagot ng binata. Nagyakapan ng mahigpit ang dalawa at sabay pang huminga ng malalim. “Were gonna be late Ben” bulong ni Ica. “Just a little bit more labs” sagot ng binata sa kanya.

Tapos na ang exams nila, nagkita si Ben at Jessica sa lobby at sabay sila nagtungo sa main gate. Sa tapat ng guard house nakita nila doon sina Lyne, Layla at Michelle at nagyayaya silang magpunta sa mall. “Ah hindi na may lakad kami ni Ica” sabi ni Ben. “Uy kayo ha. Pero nasan na yung ex mo?” tanong ni Layla. “Maaga siya natapos, masakit daw ulo kaya nauna nang umalis” sagot ng binata.

“Did he do well?” tanong ni Michelle. “Hmmm di naman sa nangopya ako ha pero sinilip ko papel niya. You know kasi nga concerned din ako, nakita ko na tama lahat ng sagot niya. Oo na to be honest nagpalit ako ng sagot kasi nakita ko sagot niya” sabi ni Ben at biglang tumaas ang kilay ni Ica at tinignan siya. “Labs sorry na, I was really concerned at nakita ko yung tamang sagot. Alangan na hahayaan ko nalang mali sagot ko diba?” palusot ng binata at nagtawanan yung girls.

Naghiwalay na ng landas ang dalawang grupo, yung malaking lalake agad humarap sa loob ng guard house at tumingin sa loob. “Umalis na sila pards” sabi niya. “Ganda niya ano pards?” tanong ni Kiko. “Oo nga. Bakit di mo ligawan?” tanong ng gwardya. Lumabas ng guard house si Kiko at nag inat. “Hay pards, its complicated” sabi niya. “Natatakot ka ba?” tanong nung malaking tao. “Parang ganon na nga” sabi ni Kiko at natawa yung gwardya. “Pano mo malalaman pag di mo subukan? Kung takot ka na agad sa umpisa e di sayang naman. Malay mo siya pala dapat ang mapapangasawa mo” payo sa kanya.

“E pards kunwari lang na nakikita mo ang future at nakita mo na maghihiwalay kayo. Masasaktan ka talaga sobra. Gusto mo parin ba siya ligawan?” banat ni Kiko at biglang napaisip ng malalim yung guard. “Aha! Hinuhuli mo nanaman ako pards ha. E wala naman taong nakakakita ng future e. Wise ata to kahit high school lang natapos ko” pasikat nung mama.

“Sabihin na natin kaya mo. Kunwari lang naman e. Itutuloy mo pa ba yung panliligaw?” hirit ni Kiko. “Aba yan ang mahirap ah. Parang ipupusta mo ang pera mo sa manok pero kalaban niya si Big Bird ng Sesame Street” sabi ng guard at biglang natawa si Kiko. “Nadali mo ako don pards ah” sabi niya at nagtawanan sila. “Kahit na ganon pare go parin, malay mo manalo yung manok” sabi ng guard. “Di nga ganon e, nakita mo na nga na mananalo si Big Bird e” sumbat ni Kiko. “E di kay Big Bird ka tumaya kasi. Nakita mo na ngang mananalo si Big Bird diba? E di kay Big Bird ka na tumaya” sabi ng malaking mama at napakamot nalang si Kiko. “O sige pards talagang sumakit na ulo ko. Nice talking with you” sabi niya. “Sure my man. Come back soon” banat ng guard.

Sa kalayuan naglalakad papunta sa paradahan sina Ben at Jessica. “Siguro dinadasal mo na sana wala nalang siyang ability ano?” tanong ni Jessica at biglang nagulat si Ben. “Anong ability?” tanong niya. “Hello, yung about his dreams coming true” sagot ng dalaga at nakahinga ng maluwag si Ben. “Ay oo nga e. Sana di nalang niya nakita sa panaginip niya na ganon mangyayari” sabi niya.

“Pero he will get hurt in the end” sabi ni Ica. “He wouldn’t know that, ang mahalaga he will be able to love without fear” sabi ni Ben at biglang natawa ang girlfriend niya. “O bakit?” tanong ng binata. “Bwisit ka nahawa ka na din ata kay Kiko e” sabi ng dalaga. “Hello di mo ba alam naging kami?” banat ni Ben. “Ano sabi mo?!!!” pagalit na tanong ni Ica. “Biro lang naman labs e” sabi ni Ben.

“Ayaw ko na nagbabakla baklahan ka na ha” sabi ni Ica. “Opo labs. Uy wait, remember nung Monday? Halos ganyan din sinabi ni Michelle kay Kiko diba? I mean not directly na pero she didn’t want Kiko din to be gay diba?” sabi ni Ben. “Yup, kasi she likes Kiko” sabi ni Jessica. “So you like me too pala” landi ni Ben at bigla siya tinapik sa noo ng dalaga. “Ben, love na” sabi niya at napangiti ng todo ang binata.

“E di love narin ni Michelle si Kiko” hirit ng binata. “Ben! Talaga bang kailangan mo icompare tayo sa kanila? O gusto mo mapagaya kay Kiko?” banta ni Ica at biglang umamo yung binata. “Sorry labs” sagot niya.

“Ben do you think tototohanin ni Kiko na lilipat siya?” tanong ni Ica at napayuko ang ulo ng binata. “Yeah, ganyan si Kiko. Pag may sinabi siya talagang gagawin niya” sagot ng binata. “Hay, if it was not for him siguro wala tayo ano?” tanong ng dalaga. “To be honest oo. Di ko maexplain pero trust me oo ang sagot” sabi ni Ben. Hinigpitan ni Jessica ang hawak sa kamay ng boyfriend niya at sinandal ang ulo niya sa balikat ng binata. “Naawa ako sa kanya Ben” bulong ni Ica.

“Lalo na ako. For how many years na magkasama kami, this past few months ko lang siya malungkot at may dinadamdam na problema. He was always a happy go lucky guy. Lately kahit na nagpapatawa siya ramdam ko na may dinadamdam siya” sabi ni Ben. “Benjamin, masaya ako pag kasama kita. Kaya pag iniisip ko na ako ang nasa kalagayan niya alam mo ang hirap isipin at ang hirap magdesisyon” sabi ni Jessica. “Same here labs. Sana di na siya habulin ng tadhana” sagot ni Ben. “Ano?” tanong ni Ica. “I love you Ica” sabi nalang ng binata.

Sa harap ng gate ng University matagal nang nakatayo don si Kiko, nakatingala lang siya at pinagmamasdan ang kanyang paaralan.

“Hanggang dito nalang ako mga kaibigan ko. Pasensya na”

-WAKAS-