May naglalakad sa hallway ng isang napakalaking bahay. Pagbukas niya ng isang pinto nakita niya ang isang grupo ng mga teenager na nagtatawanan pagkat may dalawang tatlong binata na nagbabakla baklahan. Sinara niya ang pinto pagkat wala siyang kakilala sa loob.
Naglakad pa siya konti at may binuksan nanaman na pinto, nanlaki ang mga mata niya at nangatog ang tuhod pagkat mga nilalang na nagsisipulaan ang mga mata ang nasa loob at biglang nagsilabasan ang mga pangil nila. Agad niya sinara ang pinto at tumakbo. Hingal na hingal siya at takot na tuloy magbukas ng pinto pero naglakas loob at sumubok muli.
Napangiti siya pagkat may nakita siyang magandang babae, lumapit ang babae sa kanya at biglang nagsulputan ang mga demonyo sa likod niya. Napasigaw yung lalake at kumapiras nanaman ng takbo. May nagbukas na isang pinto at may lalakeng lumabas.
“Hoy ano sinisigaw sigaw mo diyan, pasok ka dito” sabi ng lalake sa kanya. Agad siya pumasok sa kwarto at nakahinga siya ng maluwag. May isang malaking lamesa sa gitna at may mga lalakeng nag iinuman.
“Upo ka” sabi nung isa kaya agad siya naupo. “Chillax ka pare, ako pala si Pepito. O guys pakilala kayo” sabi ni Pepito.
May bulag na tumapik sa mesa, “Ako si Athan pare” sabi niya. “Ako si Jeff” sabi naman ng isang mukhang mayaman na binata. “Ako si Paulito” sabi ng isang binata na may mahabang buhok at sa tabi niya kumaway ang isa pang binata, “Ako si Benjoe” bigkas niya.
“Ah…ako si Venancio” bigkas ng lalake at lahat nakatingin sa kanya. “Bagong salta ka ata dito, bakit hindi ka namin kilala? Magkakakilala kami lahat dito e” sabi ni Pepito sabay nagbuhos ng alak sa isang baso sabay nilapit sa bagong salta.
“Ah di ako umiinom…may kape kayo?” sabi ni Vince. Nilapit ni Jeff ang pitsel ng malamig na tubig sabay nagbuhos sa isang baso. Nilapit niya ito kay Benjoe at hinawakan ng binata ang baso at kumulo agad ang tubig. Nanlaki ang mga mata ni Venancio at napatayo siya, biglang namula ang mga mata ni Paulito, “Upo ka” bulong niya at biglang nalang napaupo ang lalake labag sa kalooban niya.
“Ah ano kayo? Bakit may powers kayo?” tanong niya at nagtawanan ang lahat. “Bagong salta nga talaga ito. Chillax ka pare. Itong si Benjoe ay demonyo at si Paulito ay bampira” paliwanag ni Pepito at lalong natakot yung lalake.
“At yang si Pepito ang pinakamatanda dito” banat ni Athan sabay ngisi pero bigla siya binatukan ni Pepito. “At least hindi ako manloloko na tulad mo!” sigaw niya. “Tumigil nga kayong dalawa” sabi ni Benjoe at biglang umapoy ng itim ang kamao niya. Nanahimik tuloy ang lahat maliban sa katabi niyang bampira na nagbagang pula ang kamao niya.
“Wag kang magmamayabang pare” sabi ng bampira. “Ano lalaban ka?” tanong ni Benjoe at lalong nagbaga ang mga mata niya. Napatayo yung dalawa at nagkaharap, yung iba napaatras konti pero biglang may pumasok na grupo ng mga binata.
“Yo old timers!” bati ni Kiko at nagtawanan ang grupo nila. “Tsk itong mga batang to walang respeto talaga” bulong ni Pepito. “Hoy kasama diyan yung mga anak mong dalawa” sabi ni Athan. “Tangek, tatlo sila di mo ba alam?” sabi naman ni Jeff. “Tatlo ba?” tanong ng bulag at napangisi nalang si Pepito. “E bakit di ko nababalitaan yung pangatlo?” tanong ni Paulito at napaupo sila ni Benjoe at tumawa nalang ang matanda.
“Kids go play in the other room” sabi ng bampira at parang mga zombie naglabasan ng kwarto ang grupo ng mga binata.
“Ah teka, nasan ba tayo? Nagising nalang ako nandito na ako e” sabi ni Vince. “Retirement home” sabi ni Pepito at nagulat yung lalake. “Retirement home? Bakit ako magreretiro agad?” tanong ni Vince.
“E ganon talaga yon e. Yun ang utos ni bossing” sabi ni Jeff. “E bakit may nakahalong mga foreigner sa ibang kwarto?” hirit ng lalake. “Oo kasama sila lahat, actually dapat doon ka sa kabilang bahay e, dun sa bahay ng mga hindi pa kilala pero retirement home din yon” paliwanag ni Pepito.
Tumayo si Vince at sumilip sa labas ng binatana, may isa pa siyang bahay na nakita at madaming tao doon sa loob. “Dapat ba doon ako?” tanong niya. “Oo dapat doon ka, kasi doon ang retirement home ng mga hindi pa kilala. Siguro puno na yung bahay na yon kaya pinayagan ka ni bossing magretiro dito” sabi ni Athan.
“Retiro agad? Bakit ganon?” tanong ni Vince. “Kasi madami ang makikitid ang utak sa labas. Hindi marunong umintindi kaya sawa na si bossing siguro” sabi ng bampira.
Napaupo si Vince at huminga ng malalim. “Retiro agad…pero bakit parang may naririnig akong mga boses galing sa labas?” tanong niya. “Naririnig din namin yon” sabi ng iba.
“So ano ganito nalang tayo hanggang mamatay tayo?” tanong ni Vince.
Tahimik ang lahat at naririnig nila ang kasiyahan ng mga bata sa kabilang kwarto. Napangiti si Pepito at nagkatitigan ang lahat. “Ano guys?” tanong niya. Tumayo sila lahat, si Athan inalis ang shades niya at naglakad papunta sa pinto. “Hindi ka bulag?” tanong ni Vince. “Hindi, porke nagshades ako bulag na ako?” banat ni Athan.
“E may walking stick ka e” hirit ng lalake. “Walang basagan ng trip pare!” sumbat ni Athan at nagpunta siya sa hallway at nagsisigaw.
“HOY MAGSILABASAN KAYO LAHAT!!!” sigaw niya.
“Benjoe pakawalan mo na yung mga nasa kabilang bahay” utos ni Pepito at biglang nawala ang demonyo. Naging maingay ang hallway at nagtungo sila lahat sa labas ng bahay.
Ang daming tao ang pumuno sa hardin at si Benjoe biglang lumutang sa ere at tinuro ang bahay sa taas ng bundok.
“Doon ang bagong tirahan natin” sabi niya. “O what are we waiting for, girls come with me!” sigaw ni Pepito.
“PEPITO!!!” sabay na sigaw ng dalawang babaeng buntis. “Girls come with me!!!” sabi naman ni Athan pero bigla siya binatukan ni Venancio at tumawa.
“Old timers, its my time to shine, everyone follow me!” sigaw niya at mula sa ere may isang foreigner na dumating.
“Hey wassup everyone?” tanong niya. “Hey Frank hows it going?” sagot ni John. “Oh nothing much we would just like to invite you to our…” sabi ng foreigner pero bigla tinakpan ng isang babae ang kanyang bibig. “Not yet” bulong niya.
“Teka parang nakakatakot yung daan papunta sa bagong bahay natin ah” sabi ni Venancio. “Sa iyo ba yung dalawang itlog na nakita namin na naiwan sa hallway?” banat ni Kiko at nagtawanan sila ni Ben. Pumorma si Vince pero humarang sa kanya si Juan Pablo at Pipoy. “Ang babangga, magigiba!” sigaw nila kaya napaatras ang lalake.
“Tara na doon! Sus we all need a new house. Bossing would not make a house there for nothing so what are we waiting for?” banat ng isang lalake na may hawak hawak na mga barya.
“Yeah! Lets not take bullshit from anyone! Lets all go!” sigaw naman ng isang binata na may paru paro sa kanyang balikat.
Tumayo si Benjoe sa harapan at tinuro ang bahay.
“Sige, everyone follow me!!!” sigaw niya at biglang natakot ang lahat pagkat may mainit na hanging na umihip at nagliparang ang mga demonyo papunta sa kanilang bagong bahay.
“WAG KAYO MATAKOT!!! AKO BAHALA SA MGA YAN!!!”
“So the journey continues then?” tanong ni Pepito. “Hell yeah!” sigaw ni Kiko at nagtawanan ang lahat.
“BUT I GO FIRST” sabi ni Benjoe at biglang nagliyab ng itim ang mga kamao niya.
THE JOURNEY CONTINUES….FIRST STOP….
SALAMANGKA!!!
