Sa Aking Mga Kamay
by Paul Diaz
Chapter 28: Paghirit ng Tadhana
Kaarawan na ni Frances, madaming tao sa loob ng bahay nila. Nandon ang iilang mga kaklase niyang babae, mga kamag anak nila, ang kanilang lolo at lola at ang mga kaibigan ni Kiko. Sa may garden busy si Kiko at Ben na nag iihaw ng karne habang si Juan Pablo naglalakad lakad at pinagmamasdan ang mga halaman ni Teresa.
“Bakit hindi inaalagaan ng mommy mo to, dapat inaalisan niya to ng dead leaves” bigkas ng siga at nagkatinginan yung magbespren at nagngitian. “So marunong ka mag gardening?” tanong ni Kiko. “Yup, hobby ko” sagot ni Jayps at talagang nililinisan niya yung halaman. “Ding…ding ang batooooo” pabulong na landi ni Ben at nagtawanan sila ni Kiko. “Ano sabi mo Ben?” tanong ng siga at agad nagpasimple yung binata. “Pare wala” sagot niya at nagpigil ng tawa si Kiko pagkat parang takot na takot ang bespren niya.
“Hiram nga ako ng tools, wala naman ako ginagawa so ayusin ko nga mga halaman na to” sabi ng siga at pumasok sa loob ng bahay. Nagtawanan yung mag bespren at agad nagbakla baklahan. “Ang siga kasama pala sa federasyon mama” landi ni Ben. “Hohonga hohongaaaa dumadami na talaga tayo” banat ni Kiko at nagseryoso ang kaibigan niya. “Mag isa mo! Dude sa totoo ayaw ko na magbakla baklahan, nakakasira ng image ko. May oras sa pagpapatawa at may oras naman na pagseryoso. Gay people are decent people and we should not make fun of them” sabi ni Ben.
“Alam ko, pero are we making fun of them? Ginagaya lang natin sila. Alam nila guys tayo and if we act girly tignan mo ang daming natatawa kasi parang surprise diba? Its just for fun Ben. Wala tayong intensyon manakit, so pag hurt ka sorry pare” sagot ni Kiko. “Teka teka teka malaman nanaman yang huling statement mo e, hinuhuli mo nanaman ako, akala mo ha” banat ng bestfriend niya at natawa si Kiko. “Ben, bilib na ako sa pagbabago mo, di na talaga kita nauuto” sabi niya.
“Pare so yung dream mo talagang wala na yon?” tanong ni Ben. “Thankfully pare hindi pala ganon talaga yon. Sobra akong happy, isipin mo pare if I escaped before then di ako happy now. Buti nalang hinarap ko parin ang tadhana” sabi ni Kiko. “Oo nga e, pero pare what about your other ability?” tanong ng binata at biglang hinawakan ni Kiko ang kamay ng bespren niya. “Amazingly I think its gone. As in pare wala na ako nakikita. Dati kay Michelle lang di gumagana pero now kahit sino na hawakan ko wala na ako nakikita” sagot ni Kiko. “Wow she cured you pare” sabi ni Ben at napangiti yung binata. “Yeah, ang saya ko pare talaga” bigkas ni Kiko.
“Alam mo pare ito ang gustong gusto ko tuwing pumupunta ako dito sa inyo. Ang sarap ng inihaw mo. Pati yung one time nagluto ka ng steak, sobrang sarap pre. Pag sinusubukan ko sa bahay di ko makuha yung lasa e. I mean minarinate ko naman tulad ng sabi mo pero di ko magets. Gusto ko yung luto mo na juicy siya pare” sabi ni Ben.
“Pare pag mag marinate ka kasi lagyan mo ng sprite, tapos usually tantyahin mo yung pag ihaw. Pag barbeque yung tama lang dapat. Pag big chunks of meat or steak na pare, kung gusto mo juicy e wag mo siya imarinate ng matagal. Before you cook doon mo imarinate tapos pahiran ng asin para intact yung juice niya at di lalabas habang niluluto. Ganon ang technique doon para juicy pare” paliwanag ni Kiko at tahimik lang si Ben at napapangiti. “Ding?” banat niya at napataas kilay ni Kiko. “Kung si Jayps hilig gardening, ako hilig ko magluto. Wag ka magconnect” sumbat niya.
“Wala naman ako sinasabi ha” palusot ni Ben. “Hoy ang laki na nung apoy!” sigaw ni Kiko at agad kinuha ni Ben yung tabo ng tubig at tinalsikan konti ang apoy. “Uy marunong na siya” landi ni Kiko. “Siyempre tinuruan mo ako. Paturo din kaya ako ng gardening? Akalain mo yung mag pinsan mga boyfriend nila e….” sabi ni Ben sabay tawa. “Ano?” tanong ni Kiko. “Wala joke lang pre” sagot ng kaibigan niya.
“Juan Pablo!!!” sigaw ni Kiko at agad lumapit yung siga. “Bakit pare?” tanong ni Jayps. “Bading ka daw sabi ni Ben” banat ng binata at nanlaki ang mga mata ni Ben sa gulat. “Hoy wala ako sinasabing ganon ha! I just find it rare na isang guy hilig gardening” paliwanag ng binata. Ang sama ng tingin ng siga kay Ben kaya napatingin yung binata sa bespren niya. “Kiko naman e” bigkas niya. “Youre dead pare, ikumusta mo ako kay woowaaaa” landi ni Kiko sabay ngisi.
Trenta minutos ang lumipas at pumasok si Ben sa loob ng bahay dala ang mga naunang nalutong karne. “Oh my God iho!!!” sigaw ni Teresa kaya napatakbo sina Ica, Michelle, Layla, Lyne at Monique sa kusina. “Why tita what happened?” tanong ni Michelle pero nakita na nila si Ben na basang basa. “Hay naku naglaro nanaman kayo” pagalit na sabi ni Layla.
“Wala ako ginawa, sabi nung dalawa nagpalit na daw ng anyo si Agua at Bendita kaya eto ako” paliwanag ni Ben at biglang nagtawanan yung mga babae. “Ay naku pasensya ka na iho. Halika magbihis ka baka magkasakit ka” sabi ni Teresa at sinamahan ang binata sa taas. Ang magpinsan kasama yung girls sumugod sa likod ng bahay para pagalitan yung dalawa pero lalo lang sila natawa nang makita si Kiko at Jayps na masayang kumakanta habang nag iihaw. “Walang sinuman ang nabubuhay para sa sarili lamang….” Kanta nila with matching eyes closed pa at may pasway sway yung dalawa.
Halos maatake na yung mag pinsan sa katatawa, si Layla napaupo na sa sahig at yung dalawa di narin mapigilan ang mapahalakhak. Hinayaan nalang nung mga girls na magbonding yung dalawa at tumulong nalang sila sa paghanda ng ibang pagkain.
Tulad ng pangkaraniwang birthday, lahat nagtipon sa may dining area, si Frances nakaharap sa kanyang birthday day cake at lahat kumakanta. Pagka ihip ng dalaga sa mga kandila nagsimula na ang kainan.
Dahil madaming tao sa loob ng bahay ay napwesto ang magkakaibigan sa garden kung may hinandang malaking lamesa at mga upuan sina Kiko at Juan Pablo. Masaya ang grupo at walang tigil ang tawanan dahil sa bagong suot ni Ben. “Macho papa” tukso ni Ica at tawa ng tawa si Kiko. “E mas malaki ako konti kay Kiko e, damit niya mga to” sabi ni Ben. “Mag ingat ka sa galaw mo, parang mapupunit na yung damit anytime” sabi ni Jayps. “Well at least parang incredible Hulk” banat ni Ben. “Oo nga kulayan ka nalang ng green tapos ikaw na si Shrek” hirit ni Kiko at lalo pa sila nagtawanan.
Ilang minuto ang lumipas nakita ng grupo ang mga magulang ni Kiko nakatayo sa may pinto ng likod ng bahay na may kasamang magandang dalaga. Maiksi ang kanyang buhok at super cute ng mukha. Nakangiti ang dalaga habang nakita nila na tinuturo ni Teresa ang kanyang anak.
“Kiko halika” sabi ni Fred. Tumayo yung binata at agad napataas ang kilay ni Michelle. Pagkalapit ng binata ay nagkatitigan sila ng dalaga. “Hi Kiko, remember me?” tanong niya. “Anak ka ni daddy sa labas?!!” bigkas ng binata at napatawa ang lahat mga kaibigan niya. “Loko kang bata ka” sabi ni Fred. “Anak ka ni mommy sa labas?!!!” sigaw ni Kiko at muling nagtawanan ang lahat.
“Kiko talaga, its me Amy” bigkas ng dalaga sabay yakap sa binata. Napatayo na si Michelle pero hinihila siya paupo nina Monique at Layla. Tinaas ni Kiko ang mga kamay niya at natatakot mapalingon sa kanyang girlfriend. “Ah hindi ikaw si Amy. Ang kilala kong Amy maliit na babae yon e” sabi ni Kiko at natawa yung dalaga. “Kiko naman that was like 12 years ago. This is me now” sabi ni Amy. “Hay naku mamaya na kayo magkwentuhan, halika na iha kumain ka na sa loob” sabi ni Teresa at pumasok na yung tatlo sa loob habang si Kiko natatakot humarap sa mga kaibigan niya.
Bumalik yung binata sa tabi ni Michelle, “Babae mo yon?” tanong ng dalaga at natawa ang pinsan niya. “No, anak ng bespren ng tatay ko” sagot ni Kiko. “Talaga? So close kayo non?” hirit ni Michelle at natatawa nalang yung iba pagkat halatang nagseselos siya. “Nope, ngayon ko lang siya ulit nakita. Last time I saw her was when we were like five ata” paliwanag ng binata. “Oh so why is she here then?” hirit ni Michelle.
“Ewan ko, wala ako paki alam don” sabi ng binata. “Cuz chill lang, you better trust Kiko” sabi ni Monique. “Oh I trust Kiko but I don’t trust her” sabi ni Michelle. “Grabe ka naman, first time mo lang makita e you don’t trust her na agad?” tanong ni Ben. “Oo kasi nag twinkle twinkle mata niya nung nakita niya si Kiko. Di dapat ganon!” sabi ng dalaga at sobrang nagtawanan ang grupo nila.
“Ei Michi, don’t be like that. I told you its just now that I saw her again. I barely know her” sabi ni Kiko. “Sorry” lambing ng dalaga at parang namatay na ang issue tungkol kay Amy. Tapos na kumain ang grupo at nagkwekwentuhan nalang, lumabas si Teresa na mukhang pagod na pagod kaya nakiupo muna siya. “Tita have you eaten?” tanong ni Michelle. “Hindi pa iha, mamaya na at madami pang bisita e” sagot ng nanay ni Kiko.
“Ay di pwede yan tita, wait here” sabi ni Ben at pumasok sa loob ng bahay para kumuha ng pagkain. “Hay naku kahit dalawa lang ang tunay kong anak e pag nandito sina Ben at Layla nagiging apat na” sabi ni Teresa. “Hindi ba dapat lima na?” banat ni Kiko at napangiti si Michelle. “Ay oo nga pala, ang bilis niyo kasi lumaki e” sabi ng nanay ng binata. “Tita who was the pretty girl you were with kanina?” tanong ni Michelle bigla.
“Ah that was Amy, anak ng bespren ng tito mo” sagot ni Teresa. “Oh you see” sabi ni Kiko at muling napangiti si Michelle. “Bale lilipat na ulit sila dito, based na sila dati sa Davao e. Pero sa summer pa sila tuluyan lilipat dito sa Manila, itong si Amy atat gusto daw masanay na sarili sa Manila kaya dito siya magbabakasyon ng Christmas break” tuloy ni Teresa.
“Dito as in dito po tita?” tanong ni Michelle at nanlalaki na mata niya at nakatitig kay Kiko. “Oh just for tonight maybe or two days kasi yung house nila pinapalinis pa. Darating naman parents niya may tinatapos lang sila work sa Davao” sagot ni Teresa.
Nakabalik na si Ben pero biglang tumayo si Teresa, “Ay teka ang tito niyo di pa pala kumakain, magsabay nalang pala kami” sabi niya kaya pumasok siya sa loob ng bahay at si Michelle agad tinabihan boyfriend niya. “O bakit ang sama ng tingin mo?” tanong ni Kiko. “Two days dito siya titira” bigkas ng dalaga.
“As if naman ako yung nagdecide non. What do you want me to do? Gusto mo bang mag sleep over din dito?” landi ni Kiko. “At ano? Magtatabi kami ni twinkle twinkle eyes? Gusto mo ba ako bisitahin sa kulungan Kiko?” sagot ni Michelle at nagtawanan yung iba. “I don’t think Francisco is that type of guy. You can trust him Michelle” biglang sabi ni Juan Pablo. “Thanks much Juan Pablo” sagot naman ng binata.
“Oo nga di ganon si Kiko” depensa ni Ben. “Aba nagkakampihan yung tatlo” banat ni Ica. “Oo nga, bakit Jayps close na ba kayo ni Kiko para masabi mo yon?” tanong ni Nicka. “Not really but I just can tell” sagot ng siga. “Yup, ako bespren ni Kiko I can clearly say hindi siya ganon” dagdag ni Ben. “Oo nga sis, Kiko is not that type of guy” sabi ni Layla.
“Yes I know, I trust him but I don’t trust Twinkle eyes” sabi ni Michelle. “Hay naku so tell me what to do then for two days. Doon ako sa inyo?” sabi ni Kiko at napaisip yung dalaga. “Hindi na Kiko, I trust you and I was just kidding naman” sabi ng dalaga.
“Nope, I want to get away for two days. Ayaw ko ng issue” sabi ni Kiko. “Hala wag na no. Wala ako sa lugar kanina. I admit I was wrong” sabi ng dalaga. “No you have a point and I don’t want you to be acting that way. Mas maganda na alis ako dito but you guys have to help me out” sabi ng binata. Medyo guilty si Michelle at hinawakan kamay ng boyfriend niya. “Kiks di na talaga kailangan” bulong niya. “Michi, gusto ko. I don’t want you to worry about things like that. Happy ako at sinabi mo feelings mo. I want you to be at ease and happy so help me out, where do I go?” sabi ng binata.
“Ben?” tanong ni Layla. “Okay lang sana pero nandon na ibang relatives ko for vacation e. Pero pwede din naman parang happy Sardines tayo” sagot ng binata. Napasimangot si Michelle pero napatingin sa siga. “Yeah sure no problem” sabi ni Jayps. “Really?” tanong ng dalaga. “Oo, he can stay at our place” sabi ng siga.
“Pero cuz Jayps has a younger sister and she is very pretty” landi ni Nicka at napahaplos si Kiko sa noo niya. “Oh my God naman, ganon na ba tingin niyo sa akin? O sige mag basag nalang ako ng public na gamit para ikulong ako ng two days. Wag niyo ako piyansahan muna up to two days” sabi ni Kiko at nagtawanan ang lahat.
“Its all good, he can stay at our place. We have an extra room and I can sneak him in. No one will notice he is there” sabi ng siga. “Ows? Kaya mo gawin yon?” tanong ni Michelle. “Siguro ganyan ginagawa mo sa mga ibang girls ano?” biglang banat ni Nicka at napakamot yung siga. “See told you wala sila tiwala sa atin, kasi lalake tayo e” banat ni Kiko at natameme yung mga babae. “I was just joking” bawi ni Nicka bigla.
“E two days yon, how is he going to eat?” tanong ni Michelle. “Relax okay? I will return him in two days alive. My parents will be busy buying stuff like presents, my sis of course would be going with them always. So during that time he can move freely around the house and when they return ikukulong ko ulit siya sa kwarto niya” paliwanag ni Juan Pablo.
“Okay na yon, pero sure ka pre okay lang?” tanong ni Kiko. “Oo pare don’t worry” sabi ng siga. “Okay then, problem solved” sabi ng binata. “Oh Ben why the sad face?” tanong ni Ica. “Uy jelly” tukso ni Layla at muling nagtawanan yung mga girls. “Kung gusto mo e di pati ikaw” sabi ni Jayps at napangiti si Ben. “Oh no! Wag mo pagsamahin yang dalawang yan. Delikado na, ikaw din ang kawawa trust me” banta ni Laya.
“Oo nga, I will be fine as long as I know you two wont share the same bed” banat ni Ben sabay halakhak. Ang sama ng tingin ni Kiko at ni Jayps sa kanya kaya agad siya nanliit at napayuko. “Nagbibiro lang ako talaga, nakakatakot kayong dalawa promise” drama ng binata at sobrang nagtawanan ang lahat.
“Pag wala sila you can teach me how to cook tapos turuan kita ng gardening para maalagaan mo plants ng mommy mo” sabi ni Jayps. “Oo nga good idea” sagot ni Kiko at nanlaki ang mga mata nina Michelle at Nicka habang si Ben nagpipigil ng tawa. “Oh baka naman gagawa kayo ng kalokohan dalawa ha” sabi ni Michelle. “Cuz don’t worry I leave near by, I can go check on them” sabi ni Nicka. “Ows? Parang pwede ako makisleep over sa inyo” sabi ng dalaga.
“Oo good idea! Sama natin sila para happy happy” sabi ni Monique at napatingin sila kina Layla, Ica at Lyne. Nag agree ang mga girls kaya nalungkot nanaman si Ben. “Wow, happy happy tapos ako parang isang pirasong sardinas lang sa bahay” drama niya. “Hey what if, we all go out during the day, besides what Kiko needs is just a place to sleep. So during day time we all can go out, like Enchanted Kingdom perhaps and the next day we can go ice skating. We return at night and I can sneak him inside our house while the rest of you can go home. With that scenario Bon Bon can come along” suggest ng siga.
“Bon Bon?! Kiko naman e!” reklamo ni Ben at umariba nanaman sa tawa ang lahat. “Teka ilan tayo? Are you going to bring Jerry?” tanong ni Michelle. “Oh no, we are not at that stage yet” sagot ng dalaga. “Okay so we are eight, kasya ata tayo sa SUV namin na isa” sabi ni Michelle. “Jayps can drive” sabi ni Nicka. “Me too” singit ni Kiko. “You can?” tanong ni Michelle at napangisi yung binata.
“Yes he can” sabi ni Layla. “Dapat sinabi mo noon pa, anyway so its settled then?” sabi ni Michelle. “Not yet, you better think of a good excuse for me” sabi ni Kiko. “Ako na bahala don” sabi ni Ben at naging masaya ang lahat.
Para mas kakabilib ang palusot ay nakitulog na agad si Kiko sa bahay nina Juan Pablo sa gabing yon. Wala pang tao sa bahay nila kaya maayos na napasok ng siga ang bagong kaibigan niya sa kanilang bahay. “O pare parating na sila. Basta dito ka lang, may banyo dito sa second floor pero text mo ako muna para makita ko kung may tao o wala. May wifi din dito at iiwan ko laptop ko, di ko din papatayin wifi baka gusto mo magbabad sa net. Kung may kailangan ka itext mo nalang” sabi ng siga. “Okay na ako pare, salamat” sagot ng binata.
Nakatulog ng mahimbing si Kiko agad dahil sa pagod.
Inayos ni Kiko ang kanyang kwelyo, pagkat naiinitan siya. Nagpunas siya ng pawis niya pero saktong may malakas na hanging ang umihip at naginhawaan ang lahat ng tao sa beach. Napatingin yung binanata sa pari, nakangiti ito at may tinuro. Paglingon ni Kiko tumugtog na yung wedding entrance song at sa gitna ng aisle ay may magandang dalaga na nakaputi ang naglalakad palapit.
Ang tamis ng ngiti ni Amy sa kanya, napangiti din siya pero pagtingin niya sa katapat ng kinatatayuan niya nakita niya si Michelle na nakasimangot. Nakasuot din yung dalaga ng puti na dress, kapansin pansin ang mga luha sa mukha niya. Nakaramdam siya ng kamay sa kanyang balikat, paglingon niya si Ben yon na naka porma din. “Congrats pala pare” bulong ng kaibigan niya. Paglingon niya sa kabila nakatayo ang tatay niya doon at nakaporma din.
“Congrats anak” bigkas ni Fred.
“Noooooooooooooooooooooooooooooo!!!!!!!!!” pasigaw ni Kiko nang bumangon siya. Hirap siyang huminga at pawis na pawis. Nagbukas ang pinto at sumugod sa loob si Juan Pablo. “Pare whats wrong?” tanong ng siga. Di makapagsalita si Kiko at di makapaniwala sa kanyang bagong panaginip. “Hoy bad dream ba?” tanong ni Jayps.
“Super bad dream pare” bigkas ng binata at kinukurot niya sarili niya para talagang magising. “Kuya sino yan?” tanong ng boses ng babae. Sabay na napalingon yung dalawang binata sa may pinto at nakatayo doon ang magandang kapatid ng siga.
“Kaibigan ko, narinig kaya nila?” tanong ni Jayps. “I don’t think so, if they did they were here already before me” sagot ng dalaga. “Good, well I guess I have to tell them about you now” sabi ng siga sabay tingin kay Kiko. “Pinagpalit mo si ate Nicka diyan?” landi ng kapatid niya at napakamot ang siga. “Geez! Of course not, he just needed a place to stay” sagot ng binata.
“Go get a glass of water” utos ng siga at niyanig ni Kiko ang ulo niya. “This is really bad pare” bigkas niya. “Sus lahat naman tayo nagkakaroon ng ganyan” sabi ng siga. “Yeah but I am different” sabi ni Kiko. “Meaning?” tanong ng siga. “Long story pare, trust me this is really bad” sagot ng binata at naintriga yung siga.
Nakabalik na ang kapatid ng siga at agad inabot ang baso ng tubig sa binata. “Kiko this is my sister Trisha. Trisha this is Kiko” pakilala ng siga. Kinuha ni Kiko yung baso at saglit na dumampi kamay niya sa kamay ng dalaga. Napapikit ang kanyang mga mata at muli siyang may nakita sa isip niya. Napanganga nalang si Kiko at napatingin sa mga kamay niya, bumalik na ang kanyang abilidad kasama ng bagong panaginip.
“Hi Kiko” pasweet na bigkas ni Trisha, napatingin si Kiko sa dalaga at nakita ang napakatamis na ngiti sa mukha niya. Huminga siya ng malalim sabay uminom ng tubig. “Doon ka na sa kwarto mo sis” sabi ni Jp at muling nahiga si Kiko sa kama. “Bye Kiko” landi ng dalaga sabay sara ng pinto.
“Pare kailangan natin lumabas ng maaga” sabi niya. “O bakit naman? We have to wait for the others and wait for my parents to leave” sabi ng siga. “Trust me pare kailangan natin umalis ng maaga” sabi ng binata. “Oh chill pare, just stay here and relax. That was just a bad dream” sabi ni Jayps sabay nagtungo sa pinto. “Sige pre later” sabi ng siga sabay lumabas ng kwarto.
“Ikaw bahala pare, basta I warned you” bigkas ng binata pero di narinig yon ng siga. Huminga ng malalim si Kiko at napatingin sa kisame.
“Here we go again...”
“Patay ako kay Michi nito”
-THE END FOR THE FREE BLOG-
SA AKING MGA KAMAY 2: BAGONG PANAGINIP
By
Paul Diaz
SA AKING MGA KAMAY BOOK 1 EBOOK
NOW AVAILABLE
***REMASTERED E-BOOK for COLLECTORS***
SA AKING MGA KAMAY PLUS
- SA AKING MGA KAMAY BOOK 1
-MISADVENTURES OF KBJ: HISTORY OF KIKO MONSTER
After two years and nineteen stories, thank you very much for reading. I hope you all had fun reading my works.
Sixteen hours a day writing, two to three more hours for thinking of the next plot and the rest for sleep that has been my routine daily for the past two years. Writing for free is not easy.
Thank you very much for your comments, they have helped a lot in making me better. I do hope all of you enjoyed reading my stories as I did enjoy writing them.
And so my journey towards nowhere will temporarily end here.
But I will not stop writing for you have not seen the best of me yet.
And the best that is yet to come…
Sa Aking Mga Kamay: Bagong Panaginip
M.P.ex
Bespren 2
Bespren: Jepoy and Ysa
Bespren 3
Bespren: Mico and Aya
Bertwal 2
14th Coin
In the Realm of Butterflies
Crazy Hearts
Mystic Fog
My Evil Heart
Ordinary Me 3
Twinkle Twinkle 3
Never A Memory
Salamangka (Reinvented)
Salamangka 2
Salamangka 3
A Journey Towards Nowhere
And so much more….
but they will not be posted here anymore
I am only an amateur writer
-Paul Diaz-
